Revelation 1:14 - De Beebaa Dabu

¹⁴ Dono biho ma ono ngaangaaulu e tea bei huluhulu o denga ssiibi ma denga snow, luoono ganomada e bei de ahi ula.

Revelation 1:14 Iomraidhean Croise

Daniel 10:6

Gai dono angaanga e malamalama bei topaz, luoono mada e bei de uila, luoono ganomada e ula bei de ahi, luoono lima ma luoono vae e malamalama bei bronze, gai dono leo e bei de hevaalogi o dangada soa mmao.

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Matthew 28:3

Dagodo o tangada de langi laa e bei de uila, gai ono malo e tea bei denga snow.

Revelation 19:12

Gai luoono ganomada e bei de ahi ula, gai ia e hagauda denga hau lagolago i honga dono biho, gai e dahi ingoo e sisi ange gi de ia, gai e deai donu se dangada e iloo dono hagadoonunga, go ia donu huu.

Revelation 2:18

“Gai siia ange muna nei gi tangada de langi o de nohoanga dabu i Thyatira: Aanei muna a Tama a de Maadua, e ula laa luoono ganomada bei de ula o de ahi, gai luoono vae e bei bronze malamalama.