Revelation 1:13 - De Beebaa Dabu

¹³ gai dahi e duu i magavaa o denga mee dugu laama laa, ia e bei hoolinga o tangada, gai e gahu i de malo lloa, ma de dau dahi hau goolo i ono hadahada.

Revelation 1:13 Iomraidhean Croise

Exodus 39:5

Gai luu beleesese laa e llanga gi bei de mee nnoa ungaalodo laa, e nnoa ange ai gi de ephod, gai ne hai i goolo, ma huga malo buluu, ma de purple, ma de mmea, ma linen danuaa e amu ga hilo, bei de hai a Tagi Maolunga gu tala ange ai gi Moses.

Isaiah 11:5

De heohi e hai naa go dono beele, gai de muna abodonu go de malo e nnoa ai lo tono ungaalodo.

Daniel 10:16

Gai tilo, dahi e bei laa hoolinga o tangada ne poo mai luoogu malaungudu. Gai au ga hhuge dogu ngudu ga basa ange ga hai ange gi de ia e duu laa i ogu mada i mua, “Dogu dangada aamua, au gu kona mmao dogu dee baba, i hiidinga o de midi hagaago ange, gai gu deai ogu mahi.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Daniel 7:9

De masavaa aagu e haina adu ai mee laa, gai gu hagatau denga nohoanga, gai de Ia mai Madagidagi gu noho i dono nohoanga. Ono malo e tea bei snow; ono ngaangaaulu e tea bei huluhulu o ssiibi. Dono nohoanga e ula bei de ahi, gai denga hagasii iai e ula ai de ahi.

Leviticus 8:7

Gai ia ga hakahu ange Aaron i dono malo belee, ga nnoa lo tono ungaalodo, ma de hakahu ange ia i de malo laa daha, ga hagauda ange de ephod gi de ia ga nnoa i de malo hagalaagii e nnoa ai laa de ephod.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Revelation 14:14

Gai au ne galo age hogi gu gidee dahi giliiga tea, gai honga de giliiga laa e noho ai dahi e bei hoolinga o tangada, honga dono biho iai dahi hau goolo, gai ia e poo dahi kamaa kangi i dono lima.

Revelation 15:6

gai e dogohidu dangada de langi gu ssao mai i lo te hale dabu ma e hidu mee hagamaakau, gai gilaadeu e kahu i linen tea malamalama, gai e hanu mee dau goolo i honga olaadeu hadahada.

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.