Psalm 94:16 - De Beebaa Dabu

¹⁶ Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Psalm 94:16 Iomraidhean Croise

2 Kings 10:15

De masavaa huu o Jehu ne hano gee ai i kilaa, gai Jehonadab, tama daane a Recab gu humai e hedae ange gi de ia. Gai Jehu ga hagaboo ange gi de ia, ga ssili ange, “Koe e dau mai naa gi dogu baasi, bei dogu hai e dau adu ai nei gi doo baasi?” Jehonadab ne hai ange, “Uaa, au e dau adu gi doo baasi.” Gai Jehu ga hai ange, “Noo koe e dau mai, gai koe haalo ina mai doo lima.” Gai Jehonadab ga haalo ange dono lima, gai Jehu ga hakage age ia gi lo tono hada hebagi.

2 Kings 9:32

Gai Jehu ga galo age gi de abaaba damaa mee laa, ga hagadaba, “Goai e hagabuni mai gi de au? Goai?” Gai dogodolu eunuch ne hagatui iho gi de ia.

Nehemiah 5:7

Gai au ne hagasaele mee nei i ogu lodo, gai au ne hagabaubau de gau aamua ma denga dagi, ga hai ange gi gilaadeu, “Goodou e hai oodou dangada gi hagao ina dahi mee laa honga oodou mee gu gaavange gi gilaadeu.” Gai au ne hagahi dahi hagabuni laumalie gai au ga hagasee ai gi gilaadeu,

Psalm 118:6

Tagi Maolunga e hagabuni mai donu gi de au; au e dee madagu donu. Ni aha naa donu a dahi dangada e maua i de hai mai gi de au?

Psalm 17:13

Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.

Psalm 59:2

Hagaola ina mai au i gilaadeu e haia de baubau, ma de hagamouli au mai i gilaadeu e daia dangada gi maakau.

Isaiah 59:16

Ia ne gidee bolo gu deai donu se dangada daudahi, gai gu lele ono mouli i teai se dangada e balea; gai ia ga hagahai hegau dono lima sauaa e hagaola ina, gai go dono heohi ne gaavange gi de ia de kii.

Isaiah 63:5

Au ne galogalo saele ga tilo, aagai e deai donu se dangada e balea mai au. Au ne lele ogu mouli i teai se dangada e balea; gai go ssauaa o dogu lima ne hagahai hegau ina dagu hagaola, gai dogu bole ne bale mai au.

Jeremiah 5:1

“Goodou saavini saele naa i honga denga haiava o Jerusalem, ma de ssala naa i lo te aduhale be e gidee dahi dangada. Noo goodou e gidee dahi dangada daudahi e hai hegau i de heohi ma de ssala de muna abodonu, gai au ga degi ange gi de aduhale nei.

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Numbers 10:35

Gai masavaa naa huu o de ngavesi laa e hagangalue ai e hano, gai Moses ga hai ange, “Tagi Maolunga, hidi age haia gi mavaevae saele oo hagadaumee; gai gilaadeu e kino i de goe gi saavini gi hulo gee mai i de goe.”

Matthew 12:30

Be goai e dee madali au e hai baasi mai donu gi de au; gai be goai e dee hagabudulia madali au, se dangada donu e hagassiia saele.

3 John 1:8

Deenei ai, e heohi donu taadeu bale ange de gau bee nei, gi maua ai e gidaadeu i de hai hegau madali gilaadeu i de mee abodonu.

Judges 5:23

E hagadaba tangada de langi o Tagi Maolunga, ‘Meroz gi kona de hagamalaia o dangada e nnoho i kilaa, go hiidinga gilaadeu tee loomai e bale ange Tagi Maolunga, e bale ange Tagi Maolunga e hebagi ange ai gi de gau mmahi.’