Psalm 91:3 - De Beebaa Dabu

³ Ia e hagaola naa goe mai i hai ngadaa e dee gidee laa ma mai i de mee hagamaakau.

Psalm 91:3 Iomraidhean Croise

2 Samuel 24:15

Gai Tagi Maolunga ga hai gi humai dahi mee hagamaakau gi Israel mai i taiao ga dae ai gi dana masavaa gu hagailonga. Gai ne hidusemada dangada ne maakau, mai i Dan ga dae ai gi Beersheba.

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Psalm 124:7

Gidaadeu gu ola bei de manu lele gu ola mai laa i ssele a tangada dili manu; ssele laa gu modu gai gidaadeu gu ola!

Psalm 141:9

Hagaola ina mai au i sele a dangada gu dugu e dada ai au, ma lodo sele a dangada e haia de baubau!

Psalm 68:21

De Maadua e hagabalaginagina naa biho o ono hagadaumee, go biho o olaadeu e duudagi ina de hai de baubau.

Psalm 91:6

aabe go de mee hagamaakau e hano saele laa i lo te gohu, aama de mee e daia dangada ga maakau i de odea.

Proverbs 6:5

Hagaola ina goe, bei dagodo o dahi dia e ola mai laa i tangada dili manu, ma de manu lele e ola mai laa i ssele a tangada dili manu.

Proverbs 7:23

ga dae ai gi de velosia dono ade; ia e bei de manu lele e hagasoe ange laa gi lo te sele, ia tee iloo donu bolo e daa naa ia ga magau.

Ecclesiastes 9:12

E dahi ange mee: e deai donu se dangada e iloo dono masavaa: de mamu e buulou i lo te galauna baubau, gai de manu lele e noodia i dahi sele, gai e bei ai hogi dangada e gaavee i denga masavaa baubau e daa hagalele laa donu huu de dae mai gi gilaadeu alodahi.

Hosea 9:8

De pelaabisi, go de ia dagitilo o Ephraim madali dogu Maadua, gai sele e dada ai ia gu dugu i honga ono haiava alodahi, gai de hagadau kino gu dagodo i lo te hale o dono Maadua.

Amos 3:5

E aha, e maua gi doo ange dahi manu lele gi lo te sele i honga de gelegele, noo tigi ai se mainu i lo te sele? E aha, e maua gi lele age ssele i honga de gelegele, noo tigi ai se manu ne lave ange aagena?

1 Timothy 6:9

Aagai dangada e llodo gi lava gilaadeu e too ange donu gi denga hagatale, gai e noodia i denga maanadu o de lodo senga aama lodo baubau alodahi e dagina ange laa gilaadeu gi de hagaduasala aama de magau.

2 Timothy 2:26

gai gi ola mai ai gilaadeu i ssele a de ia hagabaubau, go de ia gu noonoodia gilaadeu, gai gilaadeu ga hai ai ono lodo.