Psalm 91:1 - De Beebaa Dabu

¹ Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Psalm 91:1 Iomraidhean Croise

Psalm 121:5

Go Tagi Maolunga e dagitilo adu goe; Tagi Maolunga go doo mee hagalilo i doo baasi madau;

Psalm 17:8

Buibuia mai au bei dagodo o tama legalega eidu o doo ganomada, ma de hagammuni au i lalo de malu o luoo bakau,

Psalm 25:13

Tangada bee nei e hagadagadaga age i laangi alodahi, gai dono aamuli e henua naa i de henua.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 31:20

Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

Psalm 36:7

De Maadua, e hagamogomogo mmao doo abodonu! Gai dangada e buibui i lalo de malu o luoo bakau.

Psalm 52:8

Aagai au e bei de manu somo go de olive e somo laa i lo te hale o de Maadua. Au e hagadonusia bolo de Maadua e abodonu ga hano ai e dee ngado mai.

Psalm 57:1

De Maadua, lodo aloha mai gi de au, lodo aloha mai gi de au, go koe dogu buibui; au e ssala dogu buibui i lalo de malu o luoo bakau, ga dae ai gi de sili de madangi mmahi.

Psalm 90:1

De Ia Aamua, gimaadeu e nnoho paba i oo daha i denga atangada alodahi.

Song of Songs 2:3

Dogu dau soa i magavaa o denga dama daane, e bei de apple i magavaa o denga manu ssomo o lodo henua. Au e malangilangi i de noho i lalo dono malu, gai au e hiigai ina ono hua.

Isaiah 25:4

Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Ezekiel 11:16

Deenei ai, hai ange gi gilaadeu, ‘E hagadaba de Ia Aamua go Iahweh: E dee galemu donu au ne kave gilaadeu gi denga huaahenua mmao, ma de hai gilaadeu gi mavaevae saele i denga henua, aagai go au donu delaadeu mommee dabu i dahi masavaa bodobodo, i denga henua olaadeu gu hulo aagena.’

Judges 9:15

De manu daladala ne hai ange gi denga manu ssomo, ‘Noo goodou e llodo abodonu e hai au go doodou hodooligi, gai goodou loomai hagalilo i ogu lalo; aagai noo e deai, gai de ahi e sao mai naa i lo te manu daladala ga dudu denga cedar o Lebanon.’