Psalm 90:8 - De Beebaa Dabu

⁸ Koe e gidee omaadeu baubau, gai omaadeu haisala e hagammuni laa e daakodo donu i mada luoo mada.

Psalm 90:8 Iomraidhean Croise

De Beebaa go Job 10:14

noo au gu haisala, gai koe e dagitilo au, koe e dee degi mai donu gi ogu baubau.

De Beebaa go Job 34:21

Ia e daumada hegau alodahi a tangada; ia e gidee ono mommee alodahi e hano aagena.

Psalm 10:11

Ia e hagadaba, “De Maadua gu ngalo mee nei; ia gu haoli luoono mada gi dee gidee ai e ia.”

Psalm 109:15

Olaadeu haisala gi daakodo donu huu i mada i mua o Tagi Maolunga i masavaa alodahi, gai ia ga hai ai gi deai dangada e manadua gilaadeu i de henua.

Psalm 19:12

Goai e maua gi iloo ono haisala? Koe gi degi mai gi ogu haisala e dee iloo laa.

Psalm 50:21

De masavaa aau ne hai ai mee nei, gai au tee muu adu donu; gai koe e maanadu bolo au e bei oo dagodo. Aagai iainei au e hagasee goe, ma de hagabaubau goe.

Psalm 80:16

Dangada gu sele iho dau grapevine ma gu dudu i de ahi; gai koe gi huli ange daia gilaadeu gi maakau i doo lili.

Proverbs 5:21

Tagi Maolunga e gidee danuaa hegau a tangada, gai ia e tilo dagodo o ana hegau alodahi e hai.

Ecclesiastes 12:14

Go hiidinga de Maadua e hagamodu naa dagodo o hegau alodahi, ma mee alodahi ne hai hagammuni laa, e dee hilihili be danuaa aabe baubau.

Jeremiah 16:17

Gai au gu gidee danuaa olaadeu dagodo alodahi; mee nei e dee hagammuni donu i de au, gai olaadeu baubau e dee haoli donu gi dee gidee ai e au.

Jeremiah 2:22

Gai ga gaugau naa donu goe i denga lye ma de soobe i soobe lagolago, gai oo baubau goi daakodo donu i ogu mada i mua, go de Ia Aamua go Iahweh e hagadaba.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Ezekiel 8:12

Aagai ia ne ssili mai gi de au, “Tama a tangada, koe e gidee naa mee a dagi o de gau Israel e hai i lo te gohu, dahi ma dahi e hano gi de aabi iai ada o ono diinonga? Gai gilaadeu e hagataba, ‘Tagi Maolunga e dee gidee donu gidaadeu; Tagi Maolunga gu tili de henua.’ ”

Leviticus 4:23

Gai noo ia gu iloo iho bolo ia gu haisala, gai ia gi gaamai dahi guudi daane, e deai laa mee baubau i dono angaanga e hai ai dana ssigidaumaha.

Leviticus 4:28

De masavaa naa huu aana e iloo iho bolo ia gu haisala, gai ia gi gaamai dahi guudi hahine e deai mee baubau i dono angaanga, e hai ai ssigidaumaha ange gi mee oona gu haisala ai.

Romans 2:16

De mee nei e hai naa donu, i de laangi a de Maadua e hagamodu ai maanadu e dee iloo laa, i daho Klisdo Iesu, bei de hai gu tala ai i de longo danuaa oogu e agoago ai nei.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

1 John 3:20

noo odaadeu lodo e hagabaubau gidaadeu, gai gidaadeu e iloo bolo de Maadua e maolunga ange i odaadeu lodo, gai ia e iloo mee alodahi.

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.