Psalm 90:10 - De Beebaa Dabu

¹⁰ Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

Psalm 90:10 Iomraidhean Croise

Genesis 47:9

Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 6:3

Gai Tagi Maolunga ga hagadaba, “Dogu Hagasaalunga e dee dugu ange tangada gi mouli ga hano ai, go hiidinga tangada se angaanga e magau. Gai ia e mouli naa donu huu i e 120 ngadau.”

2 Samuel 19:35

Anailaa nei gai au gu madavalu ogu ngadau. Au gu dee maua i de vvae de mee danuaa mai i de mee baubau. Doo dangada hai hegau gu dee maua hogi i de mami ana mee e gai ma de unu. Au gu dee maua hogi gi langona leo o denga daane ma haahine e daahili ai. Dogu dangada aamua, go de hodooligi, au e dee hano naa donu huu ga hakoso ai goe.

2 Samuel 19:36

Gai doo dangada hai hegau e damaa hano naa donu huu madali goe, de hodooligi, gi de baasi laa o Jordan. Gai gu aha goe, de hodooligi gu hagao mai ai au?

1 Kings 1:1

De masavaa o de hodooligi go David ne madumadua ai, gai ia gu dee maua gi mahanahana danuaa, i de masavaa e haolia ange ai ia i denga malo.

De Beebaa go Job 14:10

Aagai tangada e magau ga danu; ia e hai naa ana manava hagaodi, gai go hee oona iai?

De Beebaa go Job 20:8

Ia e bei naa dagodo o de midi e ngalo laa, gai gu dee gidee ange, gai gu lilo bei de midi i de boo.

De Beebaa go Job 24:24

Gilaadeu e hagaamua i dahi masavaa bodobodo, ga lava gu dee maaleva; gilaadeu e mmae bei mee ange laa alodahi, ga lava ga duuduu bei denga grain.

De Beebaa go Job 5:7

aagai tangada e haanau ange gi lodo hai ngadaa, bei denga galo ahi e lele laa ga hulo gi lunga.

Psalm 78:39

Gai ia ne manadua bolo gilaadeu ni dangada donu huu, gai e bei de madangi e ssau mai laa ga hano gu dee ahe mai ange.

Isaiah 38:12

Dogu mommee noho gu aau gee bei de hale malo o dahi dangada hagaloosi ssiibi. Dogu mouli gu tuu bei hegau a tangada langa mee; ia gu aau gee au mai i de laagau langa mee; de laangi ma de boo gai koe e hai gi hagadagadaga iho dogu mouli.

Leviticus 27:7

Gai noo tangada gu madaono ono ngadau ga hanage ai: de hagabaaunga o taane se madaangahulu ma lima shekel, gai de hine se madaangahulu shekel.

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

Deuteronomy 34:7

Gai Moses gu 120 ono ngadau i de masavaa oona ne magau ai, aagai luoono mada goi danuaa donu huu, gai dono angaanga tigi baageaa hogi.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.

Joshua 14:11

Anailaa nei gai au goi mmahi huu bei de laangi a Moses ne hai ai au gi hano; ogu mahi e hebagi ai iainei bei donu huu de masavaa i mua.