Psalm 9:14 - De Beebaa Dabu

¹⁴ gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Psalm 9:14 Iomraidhean Croise

Psalm 106:2

Goai e maua i de tala gi odi hegau sauaa a Tagi Maolunga, gai goai e maua i de hai gi dohu danuaa dono tuhi?

Psalm 13:5

Aagai au e hagadonusia doo abodonu; au e malangilangi i dau hagaola.

Psalm 20:5

Gimaadeu e hevaalogi naa ga malangilangi i doo kii, ma de hagaduu age demaadeu hagailonga i de ingoo o demaadeu Maadua. Tagi Maolunga gi gaavadu mee alodahi oou gu dangidangi ange ai.

Psalm 21:1

Tagi Maolunga, de hodooligi e malangilangi i oo mahi; ia e malangilangi mmao i dau hagaola ia.

Psalm 22:22

Au e tala ange naa doo ingoo gi ogu daina; au e tuhi goe madali de hagabuulingaa dangada.

Psalm 22:25

Au e tuhi goe madali doo hagabuulingaa dangada; gai au e hagassula agu mee gu hagatoo donu ai i madamada olaadeu e maatagu i de goe.

Psalm 35:18

Gai au ga tuhi ai goe i magavaa o de hagabuulingaa dangada soa, ma de hagadegi goe i magavaa o dangada soa.

Psalm 35:9

Gai au e malangilangi naa i Tagi Maolunga, ma de lodo danuaa i dana hagaola.

Psalm 42:4

Aanei agu mee e manadua, i de masavaa e duasala ai ogu lodo: au nogo hano madali dangada soa, ma de dagi gilaadeu ga hulo ai gi de hale o de Maadua; gimaadeu ne hevaalogi i de malangilangi ma de daahili tuhi, madali dangada soa i taonga.

Psalm 51:12

Haia gi ahe ange au gi malangilangi i dau hagaola, gai gaamai gi de au de lodo e daudali adu.

Psalm 51:15

Dogu Ia Aamua, huugea dogu ngudu, gai au ga tuhi ai goe.

Psalm 6:3

Gu duasala mmao ogu lodo; Tagi Maolunga, dee hee maa taulooloa?

Psalm 75:9

Aagai au e lodo malangilangi naa ga hano ai, au e daahili naa ga tuhi de Maadua o Jacob.

Psalm 79:13

Gai gimaadeu, oo dangada, go ssiibi i dau mommee iai helii, e hagaahe adu de abodonu ga hano ai; gimaadeu e tuhi naa goe i denga atangada alodahi.

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Exodus 3:9

Tilo, au gu langona de tangi o de gau Israel, gai au gu gidee hogi de hai a de gau Egypt e hagaduasala ai gilaadeu.

Isaiah 12:3

Goodou e asu naa oodou vai ma de malangilangi mai i denga saalingaa vai hagamouli.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Micah 4:13

Tamaa hine o Zion, hiihidi age dagadagahia, go hiidinga au e hai naa oo hanga gi ni iron gai oo gubu vae gi ni bronze, gai koe ga oha ai gi maoha denga huaahenua soa. Koe e hagadabu ange naa olaadeu goloa gi Tagi Maolunga, gai olaadeu lava e gaavange gi de Ia Aamua o henua i lalo alodahi.

Habakkuk 3:18

aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

Luke 1:47

gai dogu hagasaalunga gu malangilangi i de Maadua dogu Ia Hagaola,

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.