Psalm 86:5 - De Beebaa Dabu

⁵ Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Psalm 86:5 Iomraidhean Croise

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

Psalm 103:3

Ia e degi adu gi oo baubau alodahi, ma de hagaieiangi oo magi alodahi;

Psalm 103:8

Tagi Maolunga e lodo aloha ma de degi, ia e dee moolau dono lili, gai e abodonu mmao.

Psalm 119:68

Koe e danuaa ma de hai hegau i tanuaa; agoagona mai au i au hainga gu hagasauaa.

Psalm 130:4

Aagai koe e degi ange gi haisala o dangada, gai gi maatagu ai gilaadeu i de goe.

Psalm 130:7

Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Psalm 25:8

Tagi Maolunga e danuaa gai e heohi; deelaa ai, ia e agoago ange dono haiava gi gilaadeu e haisala.

Psalm 36:7

De Maadua, e hagamogomogo mmao doo abodonu! Gai dangada e buibui i lalo de malu o luoo bakau.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 52:1

Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

Psalm 69:14

Daangia age au i lo te bela pigi oogu gu dai danumia ai; hagaola ina mai au i gilaadeu e kino i de au, ma mai i lo te moana gelo.

Psalm 69:16

Tagi Maolunga, basa mai gi dagu dalodalo i hiidinga doo lodo aloha; anga mai gi de au, i hiidinga doo abodonu e laumalie mmao.

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Ezekiel 36:33

E hagadaba de Ia Aamua go Iahweh: De masavaa naa huu aagu e hagagilimalali ai goodou mai i oodou baubau alodahi, gai au e ahe ange naa ga hai gi nnoho dangada i oodou aduhale, ma de hagatuu age ange denga mommee gu maoha laa.

Ezekiel 36:37

E hagadaba de Ia Aamua go Iahweh: Au e ahe ange naa e dugu ange dangada o Israel gi dangidangi mai i de mee nei. Au e hai naa gi soa olaadeu dangada, bei dahi hagabuulingaa ssiibi lagolago,

Daniel 9:9

De Ia Aamua demaadeu Maadua e abodonu ma de degi mai gi omaadeu haisala, e dee galemu donu gimaadeu ne hai baasi adu gi de ia;

Joel 2:13

Hagaagona mai de daemaha abodonu oodou lodo, e dee go de saesae donu huu oodou malo. Gai aahe mai gi Tagi Maolunga doodou Maadua, go hiidinga ia e abodonu ma de lodo aloha. Ia e dee moolau de lili, gai e honu i de lodo aloha, gai ia ga dee gaamai de baubau gu dai humai laa.

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Acts 2:21

Gai be goai e hagahia ange Tagi Maolunga gai ia e hagamouli.’

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,