Psalm 84:12 - De Beebaa Dabu

¹² Tagi o denga hagabuulinga hebagi, e manuuia tangada e hagadonusia goe!

Psalm 84:12 Iomraidhean Croise

Psalm 125:4

Tagi Maolunga, haia ange tanuaa gi gilaadeu e danuaa, aama gilaadeu e hai hegau i de heohi i olaadeu lodo.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 3:4

Au e hagahi Tagi Maolunga i de leo laumalie, gai ia ne basa mai gi de au i dono mounga dabu. Selah

Psalm 34:8

Mami ange mage diiloo bolo Tagi Maolunga e danuaa; e manuuia tangada e buibui i ono daha!

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 60:19

Gai e dee go de laa e hagamaalama ina goe i de laangi, e dee go de maasina hogi e hagamaalama ina goe i de boo; gai go Tagi Maolunga donu doo maalama ga hano ai, gai go doo Maadua e hagamahamaha ina goe.