Psalm 83:3 - De Beebaa Dabu

³ Gilaadeu gu hai hanu hagatau e hai baasi ange ai gi oo dangada; gilaadeu gu hagasaele de hai baasi ange ai gi oo dangada hagamogomogo.

Psalm 83:3 Iomraidhean Croise

Psalm 10:9

Ia e mmuni ma de tali bei de laiono i lodo mee muimui; ia e hagadabena e poo tangada hagaaloha, ma de poo tangada hagaaloha i dana dae.

Psalm 2:1

Gu aha gu hagabuni ai denga huaahenua e hai hanu ngadi hagatau, gai dangada gu hagasaele de hai dahi hegau dee haigamaiana?

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 31:20

Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Psalm 56:6

Gilaadeu e hagabuni ma e nnoho ai, gilaadeu e mmuni. Gilaadeu e mulidagi agu mee e hai; gilaadeu e llodo mmao e kave dogu mouli.

Psalm 64:2

Buibui mai au i hagatau a tangada baubau e hagammuni laa, ma mai i de hagabuulinga o dangada e haia de baubau.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Exodus 1:10

Gidaadeu ga hai gi dee maua e gilaadeu i de hagadili gi soa, gilaadeu kana hagabuni ange gi odaadeu hagadaumee i de masavaa o de hebagi, ga hebagi mai ai gi gidaadeu ma de hulo gee mai i de henua.”

Colossians 3:3

I hiidinga goodou gu maakau, gai iainei oodou mouli e doange madali Klisdo i daho de Maadua.

1 Samuel 13:19

De masavaa laa gai gu deai donu se dangada e haia denga goloa baalanga i de henua o Israel alodahi; go hiidinga de gau Philistia ne hagataba, “De gau Hebrew kana maua i de hai denga gadilaasa ma dao!”