Psalm 81:6 - De Beebaa Dabu

⁶ ⌊De Maadua ne hagadaba,⌋ “Au ne aau de mee daemaha i honga dono eu; ma de kave gee de gede daemaha i lodo olaadeu lima.

Psalm 81:6 Iomraidhean Croise

1 Chronicles 4:23

Aanei gilaadeu e haia denga gumedi hadu, ma de nnoho i Netaim ma Gederah; gilaadeu ne nnoho i kilaa ma e hai ai hegau a de hodooligi.

Psalm 114:1

De masavaa o Israel ne sao ai ga hano gee mai i Egypt, gai dangada o Jacob ne hulo gee mai i daho dangada e pasa i muna henua gee,

Psalm 122:4

Deelaa de mommee o denga aamuli e loage aagena, go denga aamuli o Tagi Maolunga, e tuhi ai de ingoo o Tagi Maolunga, bei dagodo o de hainga gu gaavange gi Israel.

Psalm 68:13

gai ga nnoho naa donu goodou i de mommee iai buibui o denga ssiibi — gai denga bakau o de manu kono e haoli i selevaa, ono hulu manu ni goolo malamalama.”

Exodus 1:14

ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

Isaiah 10:27

De laangi laa gai dana mee e hagauda adu gi oodou eu e aau gee naa, gai dana laagau hagahai hegau e hagauda adu e hadi naa, i hiidinga goodou gu pedi.”

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Matthew 11:29

Hagauda ina dagu mee hagauda, ma de agoago i ogu daha, go hiidinga au e daudonu ma de lodo maolalo; gai goodou ga maua de hagammabu oodou hagasaalunga.