Psalm 81:3 - De Beebaa Dabu

³ Ilihia de hanga manu i taonga o de duu de maasina i dai, ma de honu de maasina, ma de laangi o taadeu daonga.

Psalm 81:3 Iomraidhean Croise

2 Kings 4:23

Gai dono bodu ga ssili ange, “Gu aha gu hano ai naa goe anailaa nei? Tigi dae de masavaa e duu ai de maasina i dai aabe go de laangi o Sabbath.” De hine laa ne hai ange, “Mee alodahi e danuaa.”

1 Chronicles 15:16

David ne hai ange hogi gi dagi o de aamuli o Levi gilaadeu gi hilia hanu olaadeu daane gi daahili i de malangilangi ma de hagadangidangi i denga harp ma lyre aama denga cymbal.

1 Chronicles 15:19

De gau daahili go Heman ma Asaph, aama Ethan gi hagadangidangi i denga cymbal bronze;

1 Chronicles 15:24

Shebaniah, ma Joshaphat, ma Nethanel, ma Amasai, ma Zechariah, ma Benaiah, aama Eliezer, de gau haimeedabu, gi ilihia denga trumpet i mada i mua o de ngavesi a de Maadua. Gai Obed-Edom ma Jehiah gi hagaloosia de ngavesi a de Maadua.

1 Chronicles 16:42

Heman ma Jeduthun go luu daane e dagina dangada e ilihia denga trumpet ma de hagailiili denga cymbal, ma de hagadangidangi i denga mee hagadangidangi madali denga daahili dabu. Gai denga dama daane a Jeduthun e tuu i gaogao de haitoga o de buibui.

1 Chronicles 16:6

gai Benaiah ma Jahaziel go luu dangada haimeedabu e ilihia denga hanga manu i masavaa alodahi i mada i mua o de ngavesi o de hagatoo donu hagaheloongoi a de Maadua.

1 Chronicles 25:1

Gai David ma dagi o denga daane hebagi ne hili hanu dama daane a Asaph, ma Heman aama Jeduthun gi pasa pelaabisi, ma de hagadangidangi i denga lyre ma harp aama cymbal. Aanei ingoo o denga daane ne haia hegau nei aama alaadeu hegau:

2 Chronicles 13:12

Tilo, de Maadua e madali gimaadeu gai go demaadeu dagi, gai ono dangada haimeedabu ma alaadeu trumpet e ili e daamada ai demaadeu hebagi adu gi goodou. Denga daane o Israel, goodou aude hebagi ange gi Tagi Maolunga, de Maadua o oodou dubuna madagidagi, go hiidinga goodou e dee maua donu gi kii.”

2 Chronicles 13:14

Gai ga huuhuli dua huu denga daane o Judah ga gidee bolo gu hai de hebagi i olaadeu mada i mua ma olaadeu dua, gai gilaadeu ga tangi ange gi Tagi Maolunga, gai de gau haimeedabu ga ili alaadeu trumpet,

2 Chronicles 2:4

Au gu baba ange e hagaduu de hale e hagadubu ai de ingoo o Tagi Maolunga, dogu Maadua, ga vvae ange gi de ia e dudu ai mee maanongi, ma de dugu ai denga pelaoaa o ssigidaumaha, ma de hai ai denga sigidaumaha dudu i taiao ma de ahiahi, ma denga Sabbath ma denga daonga o de duu de maasina i dai, ma denga daonga a Tagi Maolunga a demaadeu Maadua gu hagailonga laa, bei de hai gu hagamodu ange gi de gau Israel ga hano ai.

2 Chronicles 5:12

Gai denga daane daahili alodahi i de aamuli o Levi, go Asaph, ma Heman, ma Jeduthun, ma alaadeu dama aama olaadeu dangada, ne kahu i malo linen danuaa ga tuu ai i baasi dua o de mommee o ssigidaumaha, ma alaadeu cymbal, ma harp, ma lyre, gai e 120 hogi dangada haimeedabu e tuu madali gilaadeu e ili alaadeu trumpet.

2 Chronicles 8:13

gai ia ne hai denga sigidaumaha i dahi laangi, bei de hai a Moses gu hagamodu ange ai laa gi denga laangi Sabbath, ma taonga o de duu de maasina i dai, aama ange gi denga daonga e dolu i lo te ngadau — go Taonga o Pelaoaa Dee Hagahua, ma Taonga o denga Uvigi, aama Taonga o denga Baasi Hale.

Psalm 149:3

Gilaadeu gi duuhia dono ingoo i de aanu, ma de hagadangidangi i de tambourine ma de lyre.

Psalm 33:2

Duuhia Tagi Maolunga i de lyre, hagadangidangi ange gi de ia i de harp e madaangahulu laa ono daula!

Psalm 98:6

Ilihia denga trumpet ma denga hanga manu, gai malangilangi i mada i mua o de Hodooligi, go Tagi Maolunga.

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Nahum 1:15

Galo ange diiloo honga denga mounga, dabuvae o de ia e gaamai de longo danuaa, ma de tala dagodo o de nnoho paba! Judah, haia au daonga, ma de hagassula au hagatoo donu. Go hiidinga gu deai ange dangada baubau e kage mai gi honga doo henua; gilaadeu gu daia ma gu maakau.

Numbers 15:3

gai goodou ga hai dahi sigidaumaha dudu ange gi Tagi Maolunga, i oodou kaau be go oodou ssiibi, be se sigidaumaha niiodou gu hagatoo donu ai, be se sigidaumaha e hai i de malangilangi o tangada, aabe se sigidaumaha e hai i de masavaa o denga daonga gu hagailonga, go ssigidaumaha nnamu kala ange gi Tagi Maolunga,

Numbers 28:11

“ ‘Gai tahi laangi o malama alodahi, gai goodou e hai dahi ssigidaumaha dudu ange gi Tagi Maolunga: i e lua kaau, ma e dahi ssiibi daane, aama e hidu ssiibi daane gu dagidahi olaadeu ngadau, gai e deai mee baubau i olaadeu angaanga.

Deuteronomy 16:15

E hidu laangi oodou e hai ai taonga ange gi Tagi Maolunga doodou Maadua, i de mommee a Tagi Maolunga gu hili. Gai Tagi Maolunga doodou Maadua e hagamanuuia naa hua o oodou manu aama hegau alodahi oodou e hai, gi honu abodonu ai doodou malangilangi.

Colossians 2:16

Deenei ai, goodou aude dugua ange dahi dangada gi hagamodu ina adu oodou mee e gai be go oodou mee e unu, be go dahi laangi daonga, be go dahi daonga o de duu de maasina i dai, aabe go dahi laangi o Sabbath.