Psalm 80:18 - De Beebaa Dabu

¹⁸ Gai gimaadeu e dee aahe ange naa donu e huuhuli gee i de goe; hagaola ina gimaadeu, gai gimaadeu ga dalodalo adu gi de goe.

Psalm 80:18 Iomraidhean Croise

Ezra 7:6

deenei taane go Ezra ne humai laa i Babylon. Ia se dangada sisi e agoagona hainga a Moses, go hainga a Tagi Maolunga, de Maadua o Israel gu gaavange ⌊gi Moses⌋. Gai de hodooligi ne gaavange gi de ia, mee alodahi oona ne dangidangi ange ai, go hiidinga de lima sauaa o Tagi Maolunga i ono elunga.

Ezra 7:9

Ia ne humai i Babylon i tahi laangi o tahi malama, gai ia ne hano ga dae gi Jerusalem i tahi laangi o de lima malama, i hiidinga de lima sauaa o dono Maadua i ono elunga.

Psalm 119:107

Tagi Maolunga, au gu duasala mmao; daohia dogu mouli bei dagodo o au muna.

Psalm 119:154

Koe gi daalaa hagadonu ogu dagodo ma de hagaola dogu mouli; daohia dogu mouli bei dagodo o au muna.

Psalm 119:156

Tagi Maolunga, doo lodo aloha e laumalie mmao; daohia dogu mouli bei dagodo o dau mee gu hagamodu.

Psalm 119:25

Au gu dagodo gi lalo i lo te gelegele; hagaola ina dogu mouli bei dagodo au muna!

Psalm 119:37

Hagahulia gee luoogu mada i mee e deai olaadeu haigamaiana; gai hagaola ina dogu mouli gi bei dagodo o au muna.

Psalm 119:40

Tilo, au e lodo mmao i au muna gu hagasauaa. Koe gi daohia dogu mouli i hiidinga koe e heohi.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Psalm 79:13

Gai gimaadeu, oo dangada, go ssiibi i dau mommee iai helii, e hagaahe adu de abodonu ga hano ai; gimaadeu e tuhi naa goe i denga atangada alodahi.

Psalm 85:6

E aha, koe e dee ahe ange e hagaola mai gimaadeu, gi malangilangi ai oo dangada i oo hiidinga?

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!