Psalm 8:6 - De Beebaa Dabu

⁶ Koe ne hai ia gi dagina mee alodahi aau ne hai, ma de dugu mee alodahi i lalo luoono vae:

Psalm 8:6 Iomraidhean Croise

Genesis 1:26

Gai de Maadua ga hagadaba, “Gidaadeu ga hai tangada gi bei odaadeu hagadulagi ma odaadeu dagodo donu; gai gilaadeu ga dagi ai denga mamu i lausedi, ma manu llele i lo te moana i lunga, ma manu haangai, ma manu lodo henua alodahi, ma manu vaaligiligi e nnoho ma de tolo saele i honga de gelegele.”

Genesis 1:28

Gai de Maadua ne hagamanuuia gilaau, ga hai ange, “Gooluu hagadili gi soa, haoa ai henua i lalo ga huahua ai. Gai gooluu ga dagi ai denga mamu i lausedi, ma manu llele i lo te moana i lunga, aama manu dolodolo alodahi i honga de henua.”

Genesis 9:2

Gai denga manu lodo henua alodahi, ma manu llele alodahi i lo te moana, ma manu dolodolo alodahi i honga de gelegele, aama mamu alodahi i lausedi; mee nei alodahi e gaavadu naa gi goodou gi dagina.

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Ephesians 1:22

Gai de Maadua gu dugu mee alodahi i lalo luu vae o Klisdo, ma de hai ia go de biho o mee alodahi i de nohoanga dabu,

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

Hebrews 2:8

Koe gu dugu mee alodahi i lalo luoono vae.” Gai dagodo o de dugu ange mee alodahi gi de ia, teai donu se mee daudahi a de Maadua tee dugu i lalo dono sauaa. Aagai iainei gidaadeu tigi gidee bolo mee alodahi gu dugu i lalo luoono vae.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.