Psalm 78:5 - De Beebaa Dabu

⁵ Ia ne hagasauaa ana muna ange gi dangada o Jacob, ma de hagatuu denga hainga i Israel, go muna aana gu tala ange gi odaadeu dubuna madagidagi, gilaadeu gi agoagona ange ai alaadeu dama,

Psalm 78:5 Iomraidhean Croise

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Psalm 119:152

Au gu iloo huu au muna madagidagi loo, gai koe ne hai gi daakodo au muna ga hano ai.

Psalm 147:19

Ia ne tala ange ana muna gi Jacob, ana muna gu hagasauaa aama ana hagamodu ange gi Israel.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Psalm 81:5

Ia ne hagasauaa ange gi Joseph de mee nei, i de masavaa oona ne hano ai ga hebagi ange gi Egypt, go de mommee amaadeu ne langona ai hanu muna amaadeu tigi iloo laa.

Exodus 12:27

gai goodou ga hai ange, ‘De mee nei se sigidaumaha ange gi Taonga Hagasili a Tagi Maolunga, hiidinga ia ne hagasili hale o de gau Israel i de masavaa aana ne daa ai de gau Egypt, aagai ga hagaola omaadeu huaabodu.’ ” Gai dangada alodahi ga ino gi lalo ga daumaha.

Exodus 25:16

Gai koe ga hhao ange gi lo te ngavesi naa de mee Tala Hagadonu aagu e gaavadu gi de goe.

Exodus 25:21

Gai koe ga dugu ange de pono laa gi honga de ngavesi, ga hhao ange de tala hagadonu aagu e gaavadu gi de goe.

Exodus 40:20

Gai ia ga kave luu duu hadu o de tala hagadonu ga hhao ange gi lo te ngavesi, ga velo ange luu laagau o de ngavesi, aama de gaavange de pono o de tala haisala gi honga de ngavesi laa,

Exodus 40:3

Gai koe ga hhao de ngavesi o de tala hagadonu ga dugu ange gi dono mommee, ga dau age de malo buibui ga buibui ai.

Isaiah 38:19

Go tangada e mouli, go tangada e mouli, e hagaahea adu de abodonu gi de goe, bei ogu dagodo anailaa nei; go denga damana e daalaa ange gi alaadeu dama dagodo o doo hai hegau i de muna abodonu.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Ephesians 6:4

Denga damana, goodou gi dee haia gi llili oodou dama, gai haelea gilaadeu ma de agoago ange gilaadeu i lodo o Tagi Maolunga.

Deuteronomy 11:19

Gai goodou ga agoago ange muna nei gi oodou dama i de masavaa oodou e nnoho ai i lodo oodou hale, ma doodou seesee i honga de haiava, ma de masavaa oodou e daakodo ai e sseni aama doodou aalahage.

Deuteronomy 31:13

Gai gi langona ai alaadeu dama e dee iloo laa hainga nei, ma de agoago ai de maatagu i Tagi Maolunga doodou Maadua, i taulooloa oodou mouli i honga de henua, oodou ga hulo naa e kave i baasi dai o Jordan.”

Deuteronomy 32:46

gai ia ga hai ange gi gilaadeu, “Goodou daohia muna alodahi aagu e tala adu gi goodou anailaa nei i oodou lodo, gai goodou ga tala ange ai gi oodou dama gilaadeu gi kana ange gi daohia muna alodahi o de hainga nei.

Deuteronomy 4:45

Gai aanei muna ma hainga gu hagasauaa ma hagamodu a Moses ne gaavange gi de gau Israel, i dua delaadeu ssao mai i Egypt,

Deuteronomy 6:7

Gai koe ga agoago ange ai au dama. Daalaa ange gi gilaadeu mee nei i doo nnoho i doo hale, ma doo seesee i honga de haiava, ma doo dagodo iho e sseni aama doo alahage.