Psalm 74:9 - De Beebaa Dabu

⁹ Gu deai hagailonga hagalele mouli amaadeu e gidee; gu deai hogi pelaabisi e doe, gai gu deai se gimaadeu e iloo be dee hee maa taulooloa de hai de mee nei.

Psalm 74:9 Iomraidhean Croise

Exodus 12:13

Gai dodo e hulu ai laa denga haitoga e hagailonga denga hale oodou e nnoho ai. Gai de masavaa naa huu aagu e gidee ai dodo laa, gai au ga hagasili oodou hale. Gai de mee hagamaakau e dee baa i goodou, i de masavaa aagu e hagaduasala ai de henua go Egypt.

Lamentations 2:9

Haitoga o de aduhale gu baakuu gi honga de gelegele; gai olaadeu laagau hagamakaga gu hadihadi ma de maoha. De hodooligi ma denga dagi o de henua gu gaavee gi denga huaahenua; gai gu deai donu hainga, gu deai hogi midi e hagaago ange gi denga pelaabisi mai i daho Tagi Maolunga.

Ezekiel 20:12

Gai au ne gaavange hogi gi gilaadeu agu Sabbath, se hagailonga i omaadeu magavaa, gi iloo ai e gilaadeu bolo go au donu go Iahweh ne vaea gee laa gilaadeu ga hai gi dabu.

Ezekiel 7:26

Denga hai ngadaa lagolago e hai anga naa gi gilaadeu, gai gilaadeu e langona naa denga longo hagamaatagu. Dangada e ssala naa denga midi hagaago ange i daho de pelaabisi; tangada haimeedabu e dee iloo naa de hainga, gai denga daane maatua gu dee maua naa, i de bale ange dangada i hagasaele danuaa.

Amos 8:11

Tilo, e tae mai naa laangi, go de Ia Aamua go Iahweh e hagadaba, aagu e hai ai gi humai de onge gi honga de henua, gai e dee go de onge i teai gai, aabe go teai vai, aagai go de onge i muna a Tagi Maolunga.

Micah 3:6

Deenei ai, de boo e dae mai naa gi goodou, gu deai oodou midi hagaago ange e gidee, gai gu gohu, goodou gu dee maua i de tala mee e loomai. Denga pelaabisi e dee gidee naa de laa, gai de laangi e hai naa ga gohu ange gi gilaadeu.

Micah 3:7

Gai gilaadeu e daalaa mee e loomai e dookaa naa, de gau hai huuhuaa mee e hagangadi mee ina naa. Gilaadeu alodahi e dookaa naa ga haoli olaadeu mada, go hiidinga de Maadua gu dee basa ange gi gilaadeu.”

Hebrews 2:4

Gai de Maadua ne tala hagadonu hogi mee nei, i denga hagailonga ma mee hagalele mouli ma denga hagadaagangaa sauaa mmahi, aama denga duuhanga mai i daho de Hagasaalunga Dabu, bei dagodo o dana hagatau.

Judges 6:17

Gai Gideon ga hai ange gi de ia, “Noo koe e malangilangi i de au, gai koe hagaagona mai gi de au dahi hagailonga, gi iloo ai e au bolo go koe donu e basa mai nei gi de au.

1 Samuel 3:1

Gai tama daane go Samuel ne hai hegau ange gi Tagi Maolunga i lalo o Eli. Laangi laa gai gu dai deai donu midi hagaago ange, mai i daho Tagi Maolunga.