Psalm 73:25 - De Beebaa Dabu

²⁵ E deai ange donu sogu bale i de langi, go koe donu huu! Gai e deai ange donu se mee oogu e lodo ai i henua i lalo, go koe donu huu!

Psalm 73:25 Iomraidhean Croise

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Psalm 16:11

Koe e hagaago mai gi iloo e au de haiava o de mouli; doo mommee e noho ai iai de malangilangi laumalie, doo lima madau iai denga mee hagamalangilangi ga hano ai.

Psalm 16:2

Au e hai ange gi Tagi Maolunga, “Go koe donu dogu Ia Aamua; e deai sagu mee danuaa daudahi noo e deai goe.”

Psalm 16:5

Tagi Maolunga, go koe dogu duuhanga ma dagu ubu; go koe e hagasauaa ina dogu duuhanga.

Psalm 17:15

Aagai au — au e gidee naa luoo mada i de heohi; gai au e honu naa dogu malangilangi i dagu gidee luoo mada i de masavaa oogu e alahage ai.

Psalm 37:4

Koe gi malangilangi i Tagi Maolunga, gai ia ga gaavadu gi de goe oo mee e lodo ai.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 63:3

Go hiidinga doo abodonu e danuaa ange i de mouli; au e hagamahamaha goe i dogu ngudu.

Psalm 89:6

Tagi Maolunga, goai e bei oo dagodo i de langi? Tagi Maolunga, goai i de gau de langi e bei oo dagodo?

Matthew 10:37

Be goai e kii dono damana be go dono dinana i dono aloha ai i de au, e dee bau ange gi de hagabinga bolo se dangada agoago niiagu; gai be goai e kii dana dama daane be go dana damaa hine i dono aloha ai i de au, gai ia e dee bau ange i de hagabinga bolo se dangada agoago niiagu.

Matthew 5:8

E manuuia gilaadeu e gilimalali olaadeu lodo; go gilaadeu e gidee de Maadua!

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.