Psalm 72:8 - De Beebaa Dabu

⁸ Ia e hodooligi naa mai dahi dai ga dae ai gi tai ange laa, ma mai i ssaalingaa vai go Euphrates ga dae ai gi de bido laa o henua i lalo.

Psalm 72:8 Iomraidhean Croise

1 Kings 5:1

De masavaa laa gai Hiram, de hodooligi o Tyre, ne hai gi loomai hanu ono dangada hai hegau gi daho Solomon, i de masavaa aana ne langona ai, bolo dangada gu hagadabu Solomon gi hodooligi i tuulanga o dono damana; go hiidinga ia se soa hagamogomogo niio David, i dahi masavaa daulooloa.

Psalm 2:8

Dangidangi mai gi de au, gai au ga bolo adu gi de goe denga huaahenua, ma de hai goe gi henua i henua i lalo alodahi.

Psalm 80:11

Ono laa ne ssomo ga tae gi tai, ono uli ne ssomo hogi ga tae gi ssaalingaa vai laa.

Psalm 89:25

Au e hai naa ia gi huahua i tai ma denga saalingaa vai i honga de henua.

Psalm 89:36

bolo ono hagadiilinga e hodooligi naa donu ga hano ai, gai dono nohoanga hodooligi e dee lilo naa donu i taulooloa de sobo age o de laa.

Exodus 23:31

Au e hagatuu naa oodou goinga mai i Tai Mmea ga hano ga duu i Tai o Philistia, ma mai i de vao ga dae ai gi ssaalingaa vai go Euphrates. Gai au e hai naa gi kii goodou i dangada e nnoho i de henua, gai goodou ga aau gee ai gilaadeu gi dee nnoho i oodou daha.

Zechariah 9:10

Au e hai naa gi deai hada hebagi o Ephraim ma hoosa hebagi i Jerusalem, ma de hhadi de mee hholu e hai ai de hebagi. Ia e hai naa gi noho paba denga huaahenua; gai ia e dagi naa mai i tai ga dae ai gi tai ange laa, ma mai i ssaalingaa vai go Euphrates, ga dae ai gi de bido laa o henua i lalo.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”