Psalm 72:16 - De Beebaa Dabu

¹⁶ Gi lagolago grain i honga de henua; ma de singasinga saele i honga mounga. Gai ono huamanu gi ssomo danuaa bei Lebanon; gai gi soa dangada i lodo aduhale bei denga helii lagolago i honga de henua.

Psalm 72:16 Iomraidhean Croise

1 Kings 4:20

Gai gu soa mmao dangada i Judah ma Israel, bei de lagolago gelegele i gaogao tai; gai gilaadeu ne gaimee ma de unu ma de lodo malangilangi.

De Beebaa go Job 5:25

Koe e iloo naa hogi bolo au dama gu soa, gai doo hagadiilinga e soa bei denga helii i honga de henua.

De Beebaa go Job 8:7

Gai ga damaa mee naa donu doo daamada, gai koe e lagolago naa donu au mee i masavaa e humai.

Psalm 104:16

Manu ssomo a Tagi Maolunga e hagamaluulu i vai lagolago, go denga cedar o Lebanon aana ne doo laa.

Psalm 72:6

Ia gi bei dagodo o de langi e hagamaluulu ina laa denga helii, ma vai e hagamaluulu ina laa henua i lalo.

Isaiah 29:17

E aha, e dee se masavaa bodobodo naa donu huu, gai Lebanon gu se gelegele danuaa, gai de gelegele danuaa laa e hai naa ga bei dagodo o lodo mee muimui?

Isaiah 30:23

Gai ia e hai naa gi pala iho de langi, e hagamaluulu ai oodou golee e doo i lo te gelegele, gai e maua mai i honga de gelegele e moomuna naa ma de lagolago. De laangi laa gai oodou manu haangai e gaimee naa i mommee iai helii lau kohu.

Isaiah 32:15

ga dae ai gi de hano iho o de Hagasaalunga o de Maadua i de mommee maolunga, gai de vao e hai naa ga se gelegele danuaa e ssomo ai manu, gai gelegele danuaa e ssomo ai manu e hai naa ga se lodo mee muimui.

Isaiah 32:20

gai goodou e manuuia naa donu, i de doo gaogao denga saalingaa vai alodahi, ma de dugu oodou kaau ma oodou donkey gi hulo saele.

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Jeremiah 33:22

Gai au e hai naa gi soa hagadiilinga o dogu dangada hai hegau go David ma mogobuna o Levi e haia hegau a tangada haimeedabu i mada luoogu mada, bei de lagolago o denga heduu aama gelegele i gabugabu tai e dee maua laa i de dau.”

Acts 1:15

Laangi laa gai Peter ne duu age i magavaa o dangada gu hagadonusia laa (taelodo o dangada i kilaa se 120) ga hai ange,

Acts 2:41

Gai gu soa dangada ne hagadonusia ana muna ga babudaisi, gai gu dolumano ange dangada ne hagapuni ange gi denga daina.

Acts 4:4

Aagai gu soa donu dangada ne langona laa alaau muna gu hagadonusia, agu made se limamano taelodo o dangada alodahi.

Revelation 7:14

Gai au ne hai ange, “Dogu dangada aamua, koe e iloo.” Gai ia ne hai mai gi de au, “Aanei gilaadeu ne ola mai i de hagaduasala laumalie laa; gilaadeu gu taa olaadeu malo ma gu tea i dodo o Ssiibi Gauligi.

Revelation 7:9

Dua mee nei, gai au ne galo age ga gidee dahi hagabuulingaa dangada soa mmao, gai e dee maua donu i de dau, gilaadeu ni dangada mai i denga huaahenua alodahi, ma aamuli, ma huaadangada aama denga hagadaagangaa muna; gilaadeu e tuu i mada i mua o de nohoanga laa, ma mada luu mada o Ssiibi Gauligi. Gilaadeu e kahu i malo tea, ma de daohi hanu lau palm.