Psalm 71:21 - De Beebaa Dabu

²¹ Koe e hai gi laumalie dogu hagadubu, ma de ahe ange ga hagaaneane ogu lodo.

Psalm 71:21 Iomraidhean Croise

2 Samuel 3:1

Gai se masavaa daulooloa o denga daane o Saul ma denga daane o David ne hagadau hebagi ai; gai David e hagadagadaga ange de mmahi, gai de huaabodu o Saul e hagadaga huu de baageaa.

Psalm 18:35

Koe e buibui au i dau hagaola, doo lima madau e daohi au gi dee baguu, gai koe ne ino iho ga hai au gi se dangada maolunga.

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Psalm 72:11

Denga hodooligi alodahi gi ino gi lalo i ono mada i mua, denga huaahenua alodahi gi hai hegau ange gi de ia.

Psalm 86:17

Hagaagona mai gi de au de hagailonga o doo abodonu, gi dookaa ai gilaadeu e kino i de au, i de masavaa alaadeu e gidee ai, i hiidinga go koe, Tagi Maolunga, ne balea mai au ma de hagaaneane ogu lodo.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

2 Corinthians 2:14

Aagai gi hagaahea ange de abodonu gi de Maadua e dagina laa gidaadeu i masavaa alodahi i lodo o Klisdo, bei dagodo o dangada gu kii laa, gai gidaadeu ga kave saele ai de namu kala o taadeu iloo ia i mommee alodahi.

2 Corinthians 7:13

Deenei ai, gimaadeu gu hagaaneane ai hogi omaadeu lodo. Gai gimaadeu gu hagaaneane ina omaadeu lodo, ma de kii ange demaadeu malangilangi i hiidinga de malangilangi o Titus, i doodou hai ga baba ono lodo.

2 Corinthians 7:6

Aagai de Maadua, go de ia e hagaaneane ina lodo o dangada e daemaha laa, ne hagaaneane omaadeu lodo i de dae mai o Titus gi omaadeu daha,

1 Thessalonians 3:9

Gai dee hee ai demaadeu hai e hagadohu ai de hagaahe ange de abodonu gi de Maadua, i hiidinga demaadeu malangilangi i mada luu mada o taadeu Maadua i oodou hiidinga?

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”