Psalm 71:13 - De Beebaa Dabu

¹³ Haia gi dookaa ma de llilo gilaadeu e hai baasi mai gi de au; haia gi hagangadi mee ina ma teai selaadeu hagadubu.

Psalm 71:13 Iomraidhean Croise

Esther 9:2

Gai de gau Ssuu ne hagabuni i denga aduhale o denga vaaenga alodahi o de hodooligi go Ahasuerus, ga hebagi ange gi dangada e nnoho laa e daia gilaadeu. Gai teai dangada ne maua i de hai baasi ange gi de gau Ssuu, go hiidinga dangada alodahi gu maatagu i gilaadeu.

Psalm 109:29

Gai gi deai se hagadubu o dangada e hagabaubau ina au, gai gilaadeu gi hagauda ina togaa bei de malo laa daha.

Psalm 132:18

Au e hai naa gi dookaa ono hagadaumee, aagai de hau hodooligi i honga dono biho e hagadagadaga age naa.”

Psalm 35:26

Hagadookaa ina ma de hai gi ssenga ange gilaadeu alodahi e malangilangi i dogu hai ngadaa! Haia gi dookaa ma de ssenga ange gilaadeu e hagamaolunga i de au!

Psalm 35:4

Haia gi dookaa ma de hai gi hagamaolalo ina gilaadeu e saalaa laa au e daa gi magau; haia gilaadeu e nnoho e hebagi mai gi de au gi aahe dua ma de ssenga ange.

Psalm 6:10

Ogu hagadaumee alodahi e odi naa i de dookaa ma de maatagu, gilaadeu e saavini naa ga hulo gee i delaadeu dookaa.

Psalm 70:3

Haia gi aahe dua ma de dookaa gilaadeu e hai mai gi de au, “Gu vakaa loo! Gu vakaa loo!”

Psalm 71:24

Gai au e tala naa dagodo o au hegau heohi i taiao ga boo ai, go hiidinga gilaadeu e nnoho laa e daa au gi magau gu hagadookaa ina ma de hagangadi mee ina.

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”