Psalm 7:13 - De Beebaa Dabu

¹³ Ia gu hagadabena ono goloa hebagi hagamaakau; ia e hagadabena ono dao kaa.

Psalm 7:13 Iomraidhean Croise

De Beebaa go Job 6:4

Denga dao a de Ia Mmahi Mmao laa gu tili ma gu ulu au, gai au gu unu olaadeu mee hagammau; mee hagamaatagu a de Maadua gu hagatau e hai baasi mai gi de au.

Psalm 11:2

Tilo, de gau baubau gu dada alaadeu mee hholu; gilaadeu gu hagaulu ange denga dao gi alaadeu mee hholu i de mommee gohu e tili ai dangada e heohi olaadeu lodo.

Psalm 144:6

Hagalabalaba ina dau uila ma gi hagamavaevae saele ina ai denga hagadaumee; dilia dao o dau mee hholu gi ssenga ange ai gilaadeu.

Psalm 18:14

Ia e tili dao o dana mee hholu gi mavaevae saele ai denga hagadaumee; de labalaba o denga uila e hai gi ssenga ange gilaadeu.

Psalm 45:5

Dao o dau mee hholu e kangi i de tili gi ulu gi lodo o oo hagadaumee, e de hodooligi; gai denga huaahenua gu nnoho i oo lalo.

Psalm 64:3

Olaadeu alelo e kangi bei denga gadilaasa, gai alaadeu muna e bei dao hagamaakau o de mee hholu.

Psalm 64:7

Aagai de Maadua e tili naa gilaadeu i dao o dana mee hholu, gai e moolau naa donu de lagolagohia.

Lamentations 2:4

Ia ne dada dana mee hholu bei hegau a de hagadaumee; gai dono lima madau gu baba donu. Ia ne daa ga maakau gilaadeu alodahi e tilo danuaa, bei hegau a de hagadaumee; ia ne llingi iho dono bole bei de ahi gi honga de hale malo o tamaa hine o Zion.

Habakkuk 3:11

De laa ma de maasina gu tuu donu huu i lo te langi i de tili dao malamalama o dau mee hholu, ma de maalama o dau dao malamalama.

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Deuteronomy 32:23

Au e hagatau dua hia ange naa gi gilaadeu denga hai ngadaa; au e tili naa gilaadeu i dao o dagu mee hholu.

Deuteronomy 32:41

de masavaa naa huu aagu e hakaa ai dagu gadilaasa ga malamalama ma de poo i dogu lima e hagamodu ai muna, gai au e sui ange naa hegau baubau a ogu hagadaumee, ma de hagao ange hegau alaadeu e kino i de au.

Deuteronomy 32:42

Au e hai naa dao o dagu mee hholu gi honu i denga dodo, gai dagu gadilaasa e duuduu naa dangada, ma de baalau i dodo o de gau maakau ma gilaadeu tee kii, aama de duuduu biho iai ngaangaaulu lloa o dagi o denga hagadaumee.”

2 Thessalonians 1:6

Gai de Maadua e heohi donu, i dana sui ange hegau a dangada e vaivai haia goodou,

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”

Revelation 6:10

Gai gilaadeu e hevaalogi ma e hagataba, “Tagi Maolunga e dabu ma de hai hegau i de mee abodonu, go aahee maa aau e hagaduasala ai ma de sui ange hegau a de gau henua i lalo i hiidinga omaadeu dodo?”