Psalm 7:1 - De Beebaa Dabu

¹ Tagi Maolunga dogu Maadua, go koe dogu buibui; hagamouli ina ma de hagaola ina loo au i gilaadeu alodahi e dolohia mai au,

Psalm 7:1 Iomraidhean Croise

Psalm 11:1

Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?

Psalm 13:3

Tagi Maolunga dogu Maadua, anga mai ma gi basa mai gi de au. Hagamaalama ina luoogu mada, gi dee magau ai au,

Psalm 13:5

Aagai au e hagadonusia doo abodonu; au e malangilangi i dau hagaola.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 18:28

Tagi Maolunga, go koe e haula dagu laama i masavaa alodahi; dogu Maadua e hai gi maalama de gohu i ogu daha.

Psalm 25:2

Dogu Maadua, au e hagadonu goe; koe gi dee hagadogaa ina loo au, aabe gi dugua ange ogu hagadaumee gi tae olaadeu lodo i ogu hiidinga.

Psalm 26:1

Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

Psalm 3:7

Tagi Maolunga, hidi age! Dogu Maadua, hagaola ina mai au! Koe e hagailiili galaahuu o ogu hagadaumee alodahi; gai hadihadia niho o de gau baubau.

Psalm 30:12

gai au ga tuhi ai goe i taahili, gu dee hagapuni dogu ngudu. Tagi Maolunga dogu Maadua, au e hagaahe adu de abodonu gi de goe ga hano ai.

Psalm 30:2

Tagi Maolunga dogu Maadua, au ne dangidangi adu koe gi balea mai au, gai koe ne hagaieiangi au.

Psalm 31:15

Go koe e daohia dogu mouli; hagaola ina mai au i ogu hagadaumee ma mai i gilaadeu e vaivai haia ngau!

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Psalm 43:4

Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

Psalm 89:26

Ia e hai mai naa gi de au, ‘Go koe dogu Damana, go koe dogu Maadua, gai go de Baba makaga ma dogu Ia Hagaola.’

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Jeremiah 15:15

Tagi Maolunga, koe e iloo mee alodahi, manadua mai au ma de bale mai au, suuia ange hegau a dangada ne hagaduasala ina dogu mouli. Koe e golomagi mmao oo lodo — koe gi dee gaavee gee au; manadua dogu hagangadi mee ina i hiidinga o doo ingoo.

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Daniel 9:4

Gai au ne dalodalo ange gi Tagi Maolunga dogu Maadua, ga tala omaadeu haisala, ga hai ange: “Dogu Ia Aamua, go koe de Maadua maolunga ma de hagamaatagu, gai se Maadua e daohia dana hagatoo donu hagaheloongoi, ange gi gilaadeu e aaloha i de ia ma de daudali i ana muna.

Habakkuk 3:1

Talodalo a de pelaabisi go Habakkuk, e hua bei de Shigionoth.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Joshua 14:8

Aagai gilaadeu ne hulo laa madali au ne hai ga maatagu dangada, aagai au ne daudali ange i Tagi Maolunga dogu Maadua i ogu lodo alodahi.

1 Peter 1:21

Gai go ono hiidinga oodou ne hagadonusia ai de Maadua, de ia ne hagamouli ina age ia mai i de magau ga hagamahamaha ia; deenei ai, tagelo o oodou kai ma oodou tali hagalodolodo go de Maadua.

1 Peter 4:19

Deenei ai, gilaadeu e hagaduasala ina laa bei dagodo de hagatau a de Maadua, gi haia de mee heohi ma de dugu ange olaadeu hagasaalunga gi de ia ne haia gilaadeu, ia e hai hegau i de mee heohi.