Psalm 68:2 - De Beebaa Dabu

² Haia gilaadeu gi dee maaleva bei de useahi e ilihia laa ga gaavee i de madangi; gai de gau baubau e maakau naa i mada luu mada o de Maadua, bei dagodo o de candle e vaivai laa i de ahi!

Psalm 68:2 Iomraidhean Croise

2 Samuel 10:13

Gai a Joab ma denga daane madali ia ne hulo ga hebagi ange gi de gau Syria; gai de gau Syria ne saavini ga hulo gee mai i de ia.

2 Samuel 10:18

Gai de gau Syria ne saavini ga hulo gee mai i de gau Israel, gai David ne daa ga maakau e hidulau daane Syria e saavini i honga hada hebagi, ma e haasemada daane e kage i honga hoosa. Ia ne daa hogi ga magau Shobak, tagi o delaadeu hagabuulinga hebagi.

Psalm 22:14

Au gu bei denga vai gu llingi laa, ogu ivi alodahi gu ngaalue; ogu lodo gu bei dagodo o de candle, gu odi laa i de vaivai.

Psalm 37:20

Aagai de gau baubau e maakau donu; hagadaumee o Tagi Maolunga e bei de mahamaha o de mommee iai helii, gai e moolau donu de llilo bei de useahi.

Psalm 76:7

Aagai go koe donu huu e heohi de maatagu ai o dangada! Goai e maua i de duu i mada luoo mada i de masavaa oou e lili ai?

Psalm 80:16

Dangada gu sele iho dau grapevine ma gu dudu i de ahi; gai koe gi huli ange daia gilaadeu gi maakau i doo lili.

Psalm 97:5

Denga mounga e vaivai naa bei de candle i mada luu mada o Tagi Maolunga, ma mada i mua o de Ia Aamua o henua i lalo alodahi.

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Isaiah 64:2

Bei de hai a de ahi e haula ai denga laa manu vaaligiligi, ma de hai gi kai denga vai, haia hogi gi iloo e oo hagadaumee dagodo ssauaa o doo ingoo, ma de hai gi maatagu denga huaahenua i mada luoo mada!

Isaiah 9:18

De baubau e bei dagodo o de ahi e duungia laa mee, gai e dudu denga manu duiduia ma manu daladala, ma de haaula lodo mee muimui, gai dono useahi e buu age laa gi lo te moana i lunga.

Jeremiah 46:15

Gu aha gu baakuu ai naa ma gu huuhuli gi lalo oo daane hebagi? Gilaadeu gu dee maua i de tuu age, go hiidinga Tagi Maolunga gu sseu gilaadeu gi baakuu.

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Micah 1:4

Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Numbers 10:35

Gai masavaa naa huu o de ngavesi laa e hagangalue ai e hano, gai Moses ga hai ange, “Tagi Maolunga, hidi age haia gi mavaevae saele oo hagadaumee; gai gilaadeu e kino i de goe gi saavini gi hulo gee mai i de goe.”