Psalm 68:1 - De Beebaa Dabu

¹ De Maadua gi hidi age, gai ono hagadaumee gi mavaevae saele; gilaadeu e kino i de ia gi saavini gi hulo gee i ono mada i mua.

Psalm 68:1 Iomraidhean Croise

2 Chronicles 6:41

Tagi Maolunga de Maadua, koe gi ulu i doo mommee e hagamabu ai, go koe ma de ngavesi iai doo sauaa. Tagi Maolunga de Maadua, oo dangada haimeedabu gi kahu i de hagaola, gai oo dangada dabu gi malangilangi i hiidinga koe e danuaa.

Psalm 21:8

Koe e booboo naa oo hagadaumee alodahi; doo lima madau e booboo naa gilaadeu e kino i de goe.

Psalm 44:26

Hidi age ma gi humai balea mai gimaadeu; gai hagaola ina gimaadeu i hiidinga o doo abodonu!

Psalm 59:11

De Ia Aamua, demaadeu mee hungihungi, koe gi dee daia gilaadeu gi maakau, gi dee ngalo ai e ogu dangada. Gai haia gilaadeu gi silivaahea saele i doo sauaa mahi, ma de hai gi dee kii gilaadeu.

Psalm 68:14

De masavaa o de Ia Mmahi Mmao laa ne hagadee kii ai denga hodooligi i kilaa, gai denga snow gu malili iho gi honga o Zalmon.

Psalm 68:30

Hagaseegina denga manu i magavaa o denga aalege, ma denga manu mmahi i magavaa o denga kaau gauligi a denga huaahenua. Dagadagahia gi lalo gilaadeu e nnoo ange gi denga selevaa. Haia gi mavaevae saele dangada e malangilangi i de hebagi.

Psalm 89:10

Koe e hagabalaginagina Rahab bei de manu gu daa ma gu magau; koe gu hagamavaevae saele oo hagadaumee i doo lima mmahi.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Daniel 2:35

Denga iron ma gelegele pigi, ma bronze, ma selevaa, aama goolo laa ne maoha i de masavaa daudahi, gai mee laa gu bei gili grain, i de mommee hili huamanu i de masavaa mahanahana, gai de madangi ne ili mee laa gu dee maaleva. Gai de hadu ne doo iho laa ga tugi de mee e bei laa hoolinga o tangada, ne somo ga se mounga laumalie, ga hhao ai henua i lalo alodahi.

Numbers 10:35

Gai masavaa naa huu o de ngavesi laa e hagangalue ai e hano, gai Moses ga hai ange, “Tagi Maolunga, hidi age haia gi mavaevae saele oo hagadaumee; gai gilaadeu e kino i de goe gi saavini gi hulo gee mai i de goe.”

Deuteronomy 7:10

Aagai e moolau naa donu dana sui ange hegau a dangada e kino i de ia, ga daa gilaadeu gi maakau.