Psalm 66:3 - De Beebaa Dabu

³ Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 66:3 Iomraidhean Croise

De Beebaa go Job 25:2

“Ssauaa e dagi ai ma de madagu i ono daha; ia e hai gi dagodo de nnoho paba i dono nohoanga i de langi.

Psalm 18:44

De masavaa donu huu alaadeu ne langona ai agu muna, gai gilaadeu ga hagallongo mai gi de au; de gau henua gee e bolebole i ogu mada i mua.

Psalm 18:45

De gau henua gee gu deai selaadeu tali; gilaadeu e sasao mai i lodo olaadeu mommee buibui makaga ma de bolebole.

Psalm 47:2

Go hiidinga Tagi Maolunga, de Ia Maolunga Mmao laa, e hagamadagu mmao, go ia de hodooligi maolunga o henua i lalo alodahi.

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

Psalm 68:30

Hagaseegina denga manu i magavaa o denga aalege, ma denga manu mmahi i magavaa o denga kaau gauligi a denga huaahenua. Dagadagahia gi lalo gilaadeu e nnoo ange gi denga selevaa. Haia gi mavaevae saele dangada e malangilangi i de hebagi.

Psalm 76:12

Ia e hagamaolalo dagi o de henua, gai denga hodooligi o henua i lalo e maatagu i de ia.

Psalm 81:15

Dangada e kino i Tagi Maolunga e maatagu naa i de ia, gai delaadeu hagaduasala e dee ngado mai donu.

Exodus 15:21

Gai Miriam ne daahili ga hagadaba: “Daahili ange gi Tagi Maolunga, go hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.”

Isaiah 2:19

Dangada e saavini naa ga mmuni i lodo haonga i magavaa hadu ma haonga i lo te gelegele, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai ga luuluu henua i lalo.

Isaiah 25:3

Deenei ai, denga huaadangada mmahi e hagadubu naa goe; gai denga aduhale o denga huaahenua e vaivai haia dangada e maatagu naa i de goe.

Isaiah 40:26

Dangage age galo age gi lo te langi: goai ne haia mee nei alodahi? Go de ia ne haia denga hagabuulingaa heduu, ga gaavange olaadeu ingoo. Gai go dono sauaa laumalie ma ono mmahi ne hai mee nei, teai donu se gilaadeu ne dee maleva.

Isaiah 64:3

De masavaa aau ne hai ai denga mee hagamaatagu amaadeu tee iloo bolo e hai, koe ne hano iho, gai denga mounga gu ngalungaalue i oo mada i mua.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.