Psalm 59:5 - De Beebaa Dabu

⁵ Tagi Maolunga, de Maadua o denga hagabuulinga hebagi, hidi age hagaduasala ina denga huaahenua alodahi; koe gi dee degi ange gi de gau baubau. Selah

Psalm 59:5 Iomraidhean Croise

Genesis 33:20

Gai ia ne bae dahi mommee o ssigidaumaha i kilaa, ga hagaingoo ange go El Elohe Israel.

Psalm 54:3

De gau henua gee gu hebagi mai gi de au, de gau alasala gu ssala de hai e daa ai au gi magau; gilaadeu e dee hagadubu de Maadua. Selah

Psalm 55:15

Mee naa gi moolau delaadeu maakau; gai gi mouli ga hulo ai gi de mommee o de gau maakau; de baubau e dagodo i olaadeu mommee nnoho ma olaadeu lodo!

Psalm 7:7

Denga hagabuulingaa dangada gi hagabuni mai gi oo daha; go koe dagina gilaadeu mai i de mommee maolunga.

Psalm 80:4

Tagi Maolunga, de Maadua o denga hagabuulinga hebagi, dee hee maa taulooloa doo lili i dalodalo a oo dangada?

Psalm 84:8

Tagi Maolunga, de Maadua o denga hagabuulinga hebagi, hagalaangona dagu dalodalo; de Maadua o Jacob, hagalaangona! Selah

Psalm 9:15

Denga huaahenua gu too ange gi lo te geelinga alaadeu ne geli; olaadeu vae gu llave i de galauna alaadeu ne dugu hagammuni.

Exodus 20:5

Aude daumaha ange gi gilaadeu, aabe gi hai hegau ange gi gilaadeu; i hiidinga go au go Iahweh doo Maadua, au se Maadua e maagoda. Au e hagaduasala denga dama, i hiidinga baubau o olaadeu maadua, ga dae ai loo gi tolu ma de haa atangada o dangada e kino i de au,

Exodus 3:15

Gai de Maadua ne hai ange hogi gi Moses, “Aanei au muna e tala ange gi de gau Israel, ‘Iahweh, de Maadua o oodou dubuna madagidagi, de Maadua o Abraham, ma de Maadua o Isaac, aama de Maadua o Jacob ne haia ngau gi humai.’  Gai deenei dogu ingoo ga hano ai, gai deenei de ingoo oodou e hagamaanadu ai au i daho oodou atangada alodahi.

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Jeremiah 18:23

Aagai koe e iloo, e Tagi Maolunga, alaadeu hagatau e daa ai au gi magau. Koe gi dee degi ange gi alaadeu hegau baubau, aabe gi sooloa olaadeu haisala i mada luoo mada. Gai koe hagadee kii ina gilaadeu i oo mada i mua, ma de haele gilaadeu i doo lili.

Daniel 6:7

De gau hagaseesee alodahi, ma dagi o denga ungaamee, ma dagi o denga vaaenga, ma de gau hagasaele, aama denga goobenaa ne buni bolo de hodooligi gi hagaduulia dahi hainga gi hagasauaa ina, gai be goai naa huu e dalodalo ange gi dahi maadua gee, aabe go dahi dangada gee i mua de odi ange o de matolu laangi, ia e dee dalodalo adu gi de goe de hodooligi, gai e tili ange donu gi lo te haonga o denga laiono.

Amos 9:7

“De gau Israel, goodou e dee bei laa dagodo o de gau Ethiopia i ogu daha? go Tagi Maolunga e hagadaba. E dee go au ne hagassao ina mai Israel i de henua go Egypt, ma de gau Philistia mai i Caphtor, aama de gau Syria mai i Kir?

Romans 9:6

Aagai e dee go muna a de Maadua e deai ono haigamaiana. Gai e dee go dangada alodahi i de aamuli o Israel, ni dangada Israel abodonu.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.