Psalm 59:16 - De Beebaa Dabu

¹⁶ Aagai au e daahili naa e tuhi oo mmahi; au e oo naa i taiao ga daahili i hiidinga doo abodonu. I hiidinga go koe dogu mommee buibui makaga, gai go dogu buibui i de masavaa hai ngadaa.

Psalm 59:16 Iomraidhean Croise

2 Samuel 22:3

dogu Maadua go dogu baba makaga, go ono daha oogu e mmuni ai, go ia dagu mee hungihungi ma de hanga manu e hagaola ina mai au. Go ia dogu mommee buibui makaga ma dogu mommee mmuni, aama dogu Ia Hagaola, e hagaola ina mai au i de gau alasala.

De Beebaa go Job 15:23

Ia e silivaahea saele, gai ni gai nii denga manu llele; ia e donu iho bolo de laangi o de gohu gu dae mai donu.

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

Psalm 101:1

Au e daahili i hiidinga doo abodonu ma dau hagamodu heohi, Tagi Maolunga, au e daahili ma de tuhi goe.

Psalm 106:8

Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Psalm 138:7

Gai ga duu ange naa donu au gi de hai ngadaa, gai koe e hagaola dogu mouli; koe e hagaabo doo lima e hai baasi ange gi de lili o ogu hagadaumee, gai doo lima madau e hagaola dogu mouli.

Psalm 143:8

Haia gi langona e au i taiao doo abodonu, go hiidinga au e hagadonusia goe. Agoagona mai dogu haiava e hano ai, i hiidinga au e dalodalo adu gi de goe.

Psalm 145:11

Gilaadeu e tala naa dagodo de mahamaha o doo nohoanga hodooligi, aama dagodo o doo sauaa,

Psalm 21:13

Tagi Maolunga, gi laumalie doo hagaamua i hiidinga o oo mmahi; gimaadeu e daahili ma de tuhi oo mahi.

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Psalm 31:7

Au e lodo danuaa ma de malangilangi i doo lodo aloha, i hiidinga koe e gidee dogu hagaduasala ina, ma de donu ange gi de duasala ogu lodo,

Psalm 36:5

Tagi Maolunga, doo aloha e hano loo ga dae gi de langi, doo hai hegau i de mee abodonu e dae age gi denga giliiga.

Psalm 4:1

Dogu Maadua heohi, basa mai gi de au, i de masavaa aagu e hagahi adu ai goe! Koe gi hagamaamaane ina ogu lodo i dogu duasala. Degi mai gi de au mage hagalaangona dagu dalodalo.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 5:3

Tagi Maolunga, koe gi hagalangona dagu dangidangi i taiao, au e hagadabena dagu sigidaumaha adu gi de goe i taiao ma de noho ga tali ⌊doo basa mai⌋.

Psalm 77:2

De masavaa oogu ne hai ngadaa ai, gai au ne ssala de Ia Aamua laa; au tee dalea donu i de haalo luoogu lima i talodalo, au tee lodo gi hagaaneane ina ogu lodo.

Psalm 86:13

Go hiidinga oo abodonu mai gi de au e laumalie mmao; koe gu hagaola mai au i lo te mommee gelo iai de gau maakau.

Psalm 88:13

Tagi Maolunga, au e dangi adu gi de goe; au e dalodalo adu gi de goe i taiao.

Psalm 89:1

Au e daahili i hiidinga de abodonu Tagi Maolunga, ga hano ai, au e tala dagodo o doo hai hegau i de mee abodonu i denga atangada alodahi.

Exodus 15:6

Tagi Maolunga, doo lima madau e mmahi mmao; Tagi Maolunga, doo lima madau gu hagabalaginagina de hagadaumee.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Romans 15:9

gai denga Gentile ga hagamahamaha ai de Maadua i hiidinga dono abodonu, bei de hai gu sisi ai laa, “Deenei ai, au e tuhi goe i magavaa o denga Gentile, au e daahili ma de tuhi doo ingoo.”

2 Corinthians 1:10

Ia ne hagaola gimaau mai i de hai ngadaa hagamaakau laa, gai ia e duudagi naa donu huu de hagaola gimaau. Gai gimaau e tali hagalodolodo bolo ia e ahe ange naa donu ga hagaola gimaau.

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.

1 Samuel 17:37

Gai David ne hai ange, “Tagi Maolunga ne hagaola ina mai au i de laiono ma de bea laa, e hagaola naa hogi au mai i taane Philistia nei.” Gai a Saul ga hai ange gi David, “Hannoo, gai Tagi Maolunga gi madali goe!”