Psalm 55:10 - De Beebaa Dabu

¹⁰ Gilaadeu e hagadaga saele i de laangi ma de boo i honga de buibui o de aduhale; de baubau ma de hai ngadaa gu i lo te aduhale.

Psalm 55:10 Iomraidhean Croise

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

Psalm 58:3

Mai i de masavaa olaadeu ne haanau ai, gai de gau baubau e hulo gee i de haiava; mai i de masavaa olaadeu e nnoho ai i de mommee o denga dama, gai gilaadeu e tala denga muna hadu.

Psalm 59:6

Gilaadeu e aahe mai i de ahiahi, ga koo bei denga gaaduu ma de nnoho saele i lo te aduhale.

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Hosea 7:6

Olaadeu lodo e vvela bei dahi mommee dao mee; gilaadeu e loomai ma alaadeu hagatau hagasenga. Gilaadeu e golomagi olaadeu llili i de boo; gai e bei de ahi ula i taiao age.

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.

John 18:28

Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

John 18:3

Gai Judas ne hano ga gaamai dahi hagabuulinga hebagi, ma hanu daane hagaloosi, i daho de gau haimeedabu maolunga ma denga Pharisee. Gilaadeu ne loomai ma alaadeu mee haula ma laama aama goloa hebagi.

Acts 9:24

Aagai a Saul gu iloo e ia delaadeu nnoho e daa ia gi magau. Gai de gau Ssuu gu dagitilo denga haitoga o de aduhale, i de laangi ma de boo e daa ai ia gi magau.

1 Samuel 19:11

De boo laa gai a Saul ne kave hanu daane gi de hale o David gi dagidiiloo ai gi daia ia gi magau i taiao age. Gai Michal, de bodu o David ga hai ange gi de ia, “Noo koe e dee hano e mmuni aaboo nei, gai koe e daa naa gi magau daiao.”