Psalm 53:5 - De Beebaa Dabu

⁵ Gai olaadeu dagodo, de mommee e deai ai se mee hagamaatagu gai gilaadeu e kona mmao de maatagu. Gai de Maadua e hagassii saele naa ivi o dangada e hebagi adu gi de goe. Koe gu hagadookaa gilaadeu, go hiidinga de Maadua gu tili gilaadeu.

Psalm 53:5 Iomraidhean Croise

De Beebaa go Job 15:21

Ia e langona longo o mee hagamaatagu, gai de masavaa oona e noho baba ai, gai de gau daa dangada gu tae mai ga hebagi ange gi de ia.

Psalm 14:5

Aagai gilaadeu e maatagu mmao, go hiidinga Tagi Maolunga e madali gilaadeu e heohi.

Psalm 141:7

Omaadeu ivi gu maoha saele i gaogao denga daanunga, bei de gelegele a dahi gu geli age laa.

Psalm 2:4

De ia e noho laa i de langi e gadagada; de Ia Aamua e doo mee naa i gilaadeu.

Psalm 35:26

Hagadookaa ina ma de hai gi ssenga ange gilaadeu alodahi e malangilangi i dogu hai ngadaa! Haia gi dookaa ma de ssenga ange gilaadeu e hagamaolunga i de au!

Psalm 35:4

Haia gi dookaa ma de hai gi hagamaolalo ina gilaadeu e saalaa laa au e daa gi magau; haia gilaadeu e nnoho e hebagi mai gi de au gi aahe dua ma de ssenga ange.

Psalm 40:14

Haia gi dookaa ma de ssenga ange gilaadeu e saalaa de hai e daa ai au gi magau. Haia gi aahe dua ma de dookaa dangada alodahi e llodo e hai mai de baubau gi de au.

Psalm 73:20

Gilaadeu e bei de midi e ngalo laa i de alahage o tangada; dogu Ia Aamua, de masavaa oou e hidi age ai, gai koe gi hagangadi mee ina gilaadeu bei dagodo o denga ngadi midi.

Proverbs 28:1

Tangada baubau e savini naa ga hano, e dee galemu donu teai dangada e dolohia ia, aagai tangada heohi e lo taane bei de laiono.

Jeremiah 49:15

“Au e hai naa goe gi damaa mee ange i denga huaahenua, ma de hagangadi mee ina i daho dangada.

Jeremiah 6:30

Gilaadeu gu hagaingoo ange bolo ni selevaa gu tili, i hiidinga Tagi Maolunga gu tili gilaadeu.”

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Ezekiel 6:5

Au e hai naa hogi angaanga maakau o de gau Israel gi daakodo i mada i mua o olaadeu diinonga, gai au e hagasii saele naa oodou ivi i luu baasi oodou mommee o ssigidaumaha.

Leviticus 26:17

Gai au e huli adu naa ga hai baasi adu gi goodou, ma de hai oodou hagadaumee gi hagadee kii ina goodou; gai dangada e kino laa i goodou e dagi naa goodou, gai goodou e maatagu naa ga saavini gai e deai donu dangada e dolohia goodou.

Leviticus 26:36

Gai au e hai naa gi maatagu dangada e doe i de henua o olaadeu hagadaumee. Gilaadeu e maatagu naa ga saavini i de ssau mai o de madangi ga ili saele denga lau manu. Gilaadeu e saavini naa bei dagodo o tangada e savini ga hano gee mai i de gadilaasa, gai gilaadeu e baakuu naa donu, e dee galemu e deai donu dangada e dolohia gilaadeu.

1 Samuel 14:15

Gai de hagabuulinga hebagi laa gu maatagu mmao — gilaadeu i de mommee nnoho gaainga ma lo te duu malaelae, aama denga hagabuulinga e oohaa denga mommee — gai de henua gu ngalungalue. De madagu nei se mee mai i daho de Maadua.