Psalm 51:6 - De Beebaa Dabu

⁶ Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

Psalm 51:6 Iomraidhean Croise

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

De Beebaa go Job 32:8

Aagai go de hagasaalunga i lodo o tangada, ma de madangi o de manava a de Ia Mmahi Mmao laa, e haia gi maua e ia i de donu ange.

De Beebaa go Job 38:36

Goai ne gaavange de heiangi gi lodo o tangada, gai goai ne haia ia gi donu ange?

Psalm 125:4

Tagi Maolunga, haia ange tanuaa gi gilaadeu e danuaa, aama gilaadeu e hai hegau i de heohi i olaadeu lodo.

Psalm 15:2

Go tangada e dee haisala, gai e hai hegau i de mee heohi, ma de tala de muna abodonu i ono lodo laa.

Psalm 26:2

Tagi Maolunga, hagataalea ange ma gi diiloo ogu dagodo; gai hagataalea ange dagodo o ogu lodo ma agu hagasaele.

Psalm 32:5

Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

Psalm 41:5

Ogu hagadaumee e hagataba i delaadeu kino i de au: “Go aahee naa donu oona e magau ai gi dee manadua ai dono ingoo?”

Psalm 5:9

E deai se gilaadeu e maua i de tala de muna abodonu, gilaadeu e maanadu donu huu de daa dangada. Olaadeu holomanga e bei taanunga e mahuge laa; gilaadeu e hagasegesege ange i alaadeu muna.

Proverbs 2:21

I hiidinga go gilaadeu e heohi e nnoho i honga de henua, gai go gilaadeu e dee haisala e doe ga nnoho i kilaa;

Proverbs 2:6

I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Jeremiah 32:40

Gai au e hai naa dahi hagatoo donu hagaheloongoi dee ngado mai madali gilaadeu, au e dee tuu naa donu dagu hai ange tanuaa gi gilaadeu. Gai au e hai naa gilaadeu gi madagu i de au, gi dee daahuli gee ai gilaadeu i de au.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Luke 11:39

Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Romans 7:22

Au e malangilangi i de hainga a de Maadua, i ogu lodo alodahi,

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

1 Peter 3:4

aagai goodou hagamahamaha ina goodou i mee i de lodo e dee gidee laa, go mee e dee maua gi pobo, bei de daudonu ma tee muu i de lodo maolalo; aanei mee e hagamogomogo i daho de Maadua.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”