Psalm 51:4 - De Beebaa Dabu

⁴ Au e hai baasi adu donu gi de goe, i dogu haisala, ma de hai de baubau i mada luoo mada, deenei ai, koe e heohi donu i doo masavaa e basa ai, gai e heohi donu dau hagamodu muna.

Psalm 51:4 Iomraidhean Croise

Genesis 20:6

Gai de Maadua ne hai ange gi de ia i de midi, “Au e iloo bolo koe ne hai de hegau nei i de gilimalali tagi o oo lodo. Gai au ne buibui goe gi dee haisala mai gi de au. Deenei ai, au tee dugu adu goe gi poo ange gi de ia.

Genesis 38:7

Gai tama madua a Judah go Er, ne baubau ana hegau ne hai i mada luu mada o Tagi Maolunga, gai Tagi Maolunga ga daa ia gu magau.

Genesis 39:9

Gai e deai ange donu se dangada e maolunga ange i de au i de hale nei, gai ia tee daohi donu dahi mee daudahi i de au, go koe donu huu, go hiidinga go koe dono bodu. Au e dee maua donu i de hai de hegau baubau laumalie nei e haisala ange ai gi de Maadua.”

Genesis 9:6

Be goai e daia dahi dangada ga magau, gai ia e daa naa hogi gi magau; go hiidinga de Maadua ne hai tangada ga hagadulagi ange gi ono dagodo.

2 Kings 17:17

Gilaadeu ne sigidaumaha alaadeu dama daane ma damaa hine i lo te ahi. Gilaadeu ne tala hogi mee e dee iloo, ma de ssala denga hagailonga, ma de hai denga hegau baubau alodahi i mada luu mada o Tagi Maolunga, ga hai ai ia ga lili.

2 Kings 21:6

Ia ne dudu dana dama daane i lo te ahi, ga hai ai ssigidaumaha, ia ne hai denga huuhuaa mee, ma de tala mee e loomai, ma de ssala de bale i daho denga hilohilo ma eidu, ma denga hagasaalunga o de gau maakau. Gai ne lagolago donu ana hegau baubau ne hai i mada luu mada o Tagi Maolunga ga hai ai ia ga lili.

Psalm 50:4

Ia e hagahi de langi i lunga ma henua i lalo, gai ia ga hagamodu ai muna o ono dangada:

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Leviticus 5:19

Deenei de hai e hai ai ssigidaumaha o tagasala; go hiidinga ia gu haisala ange donu gi Tagi Maolunga.”

Luke 15:21

Gai dana dama ga hai ange gi de ia, ‘Dogu damana, au gu haisala ange gi de Maadua aama adu gi de goe. Gu dee heohi dogu hagabinga bolo se dama niiau.’

Luke 7:29

Gai de masavaa a dangada ma de gau hagabudu taagisese ne langona ai muna nei, gai gilaadeu ga hagataba bolo de Maadua e heohi donu, go hiidinga gilaadeu gu lava i de babudaisi i de babudaisi a John.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Romans 3:4

E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange, “Koe e hagaheohi donu i doo masavaa e basa ai, ma de kii i de masavaa aau e hagamodu ai muna.”

James 2:11

Go hiidinga de ia ne hagadaba laa, “Aude dagodo haisala,” gu hagadaba hogi, “Aude daia tangada gi magau.” Noo koe e dee dagodo haisala aagai koe e daa tangada gi magau, aagai koe gu hagahaisala donu de hainga.

James 2:9

Aagai noo goodou e hilihili dangada, gai goodou gu haisala donu, goodou gu oha donu de hainga.

Revelation 16:5

Gai au ne langona tangada de langi e diiloo ange laa denga vai, e hagadaba, “De Ia Dabu Mmao laa, e heohi donu au hagamodu muna, koe e noho iainei gai ne noho madagidagi.

Revelation 19:11

Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.