Psalm 51:1 - De Beebaa Dabu

¹ De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Psalm 51:1 Iomraidhean Croise

2 Samuel 11:2

Dahi ahiahi, gai David ne hidi age mai i dono mooenga, ga hano ga seesee saele i tua de hale. Gai ia gu gidee adu dahi hahine e gaugau. Gai de hine laa e mahamaha mmao,

Nehemiah 4:5

Aude degi ange donu gi mee olaadeu gu haisala ai, aabe gi haolia olaadeu haisala mai i mada luoo mada; go hiidinga gilaadeu gu hagadookaa de gau hagatuu.”

Psalm 106:45

Gai ia ne manadua dana hagatoo donu hagaheloongoi, ga sui dana maanadu ga abodonu ange gi gilaadeu.

Psalm 106:7

De masavaa o omaadeu dubuna e nnoho ai i Egypt, gai gilaadeu tee hagamaanadu au hegau hagalele mouli; gilaadeu ne ngalo dagodo o doo abodonu laumalie, gai gilaadeu ne hai baasi adu gi de goe i gaogao Tai Mmea.

Psalm 109:21

Aagai koe, Tagi Maolunga, dogu Ia Aamua, abodonu mai gi de au, i hiidinga o doo ingoo; gai hagaola ina mai au i hiidinga doo abodonu.

Psalm 119:124

Koe gi hai hegau ange gi doo dangada hai hegau bei dagodo o doo abodonu, gai agoagona mai au i au hainga gu hagasauaa!

Psalm 145:9

Tagi Maolunga e abodonu ange gi dangada alodahi, gai e lodo aloha ange gi mee alodahi aana ne hai.

Psalm 4:1

Dogu Maadua heohi, basa mai gi de au, i de masavaa aagu e hagahi adu ai goe! Koe gi hagamaamaane ina ogu lodo i dogu duasala. Degi mai gi de au mage hagalaangona dagu dalodalo.

Psalm 40:11

Tagi Maolunga, koe gi dee gaavee gee doo lodo aloha i de au, gai doo abodonu ma doo heohi go dogu buibui i masavaa alodahi.

Psalm 5:7

Aagai au e ulu naa i doo hale i hiidinga de laumalie doo abodonu, au e huli ange naa gi doo temple dabu ga daumaha.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Psalm 69:13

Aagai au e dalodalo adu gi de goe, Tagi Maolunga, i de masavaa o doo abodonu; basa mai gi dagu dalodalo i hiidinga doo abodonu laumalie, ma doo hai hegau i de mee abodonu.

Psalm 69:16

Tagi Maolunga, basa mai gi dagu dalodalo i hiidinga doo lodo aloha; anga mai gi de au, i hiidinga doo abodonu e laumalie mmao.

Psalm 77:9

E aha, de Maadua gu ngalo laa dono lodo aloha? Ia gu lili nei ma gu tuu dono lodo aloha?” Selah

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Jeremiah 18:23

Aagai koe e iloo, e Tagi Maolunga, alaadeu hagatau e daa ai au gi magau. Koe gi dee degi ange gi alaadeu hegau baubau, aabe gi sooloa olaadeu haisala i mada luoo mada. Gai koe hagadee kii ina gilaadeu i oo mada i mua, ma de haele gilaadeu i doo lili.

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Daniel 9:18

Dogu Maadua, hagahuuhulia mai luoo dalinga hagalaangona; gai huli mai luoo mada diiloo de ngadi dagodo o de aduhale e hagaingoo laa i doo ingoo. Gai e deai donu omaadeu heohi e maua ai i de dangidangi adu gi de goe i dahi mee, aagai go hiidinga donu huu o doo degi laumalie.

Daniel 9:9

De Ia Aamua demaadeu Maadua e abodonu ma de degi mai gi omaadeu haisala, e dee galemu donu gimaadeu ne hai baasi adu gi de ia;

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Colossians 2:14

ia ne ssolo adaadeu muli gu daohi laa ma e hai baasi mai ai gi gidaadeu i de hainga; gai ia ne kave mee nei ga daudau ange gi de laagau lui.