Psalm 5:11 - De Beebaa Dabu

¹¹ Aagai alodahi e buibui i oo daha gi malangilangi; gilaadeu gi hevaalogi i de malangilangi. Koe gi doohaa dau buibui i olaadeu elunga, gi malangilangi ai gilaadeu e aaloha i doo ingoo.

Psalm 5:11 Iomraidhean Croise

De Beebaa go Job 38:7

i de masavaa o denga heduu o taiao ne daahili ai, gai de gau de langi ne hevaalogi i de malangilangi?

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

Psalm 35:27

Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”

Psalm 40:16

Aagai haia dangada alodahi e saalaa goe gi malangilangi ma de llodo danuaa i de goe; gai dangada e llodo i dau hagaola gi hagataba i masavaa alodahi, “Hagaamua ina Tagi Maolunga!”

Psalm 58:10

Tangada heohi e malangilangi naa i dana gide de hagaduasala o de gau baubau; gai ia e hhui naa luoono vae i olaadeu dodo.

Psalm 65:13

Mommee iai helii gu hoohonu i denga hagabuulingaa ssiibi, gai lodo geelonga gu dohu i denga grain; gilaadeu e hevaalogi ma de malangilangi ma de daahili.

Psalm 68:3

Aagai gilaadeu e heohi e llodo danuaa naa, ma de malangilangi i mada luu mada o de Maadua; gilaadeu gi malangilangi mmao ma de lodo danuaa.

Psalm 69:36

Gai dama a ono dangada hai hegau e kave naa ga henua ai, gai dangada e aaloha i de ia e nnoho ai naa.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Romans 8:28

Gai gidaadeu e iloo bolo de Maadua e hagahai hegau mee alodahi e hai ai de mee danuaa ange gi gilaadeu e aaloha i de ia, go gilaadeu gu hagahia laa bei dagodo o dana hagatau.

1 Corinthians 2:9

Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.