Psalm 5:10 - De Beebaa Dabu

¹⁰ De Maadua, hagaduasala ina gilaadeu i olaadeu baubau; alaadeu hagasaele gi daia donu huu gilaadeu gi maakau. Hagaduasala ina gilaadeu i hiidinga olaadeu haisala lagolago, go hiidinga gilaadeu e hai baasi adu gi de goe.

Psalm 5:10 Iomraidhean Croise

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

2 Samuel 17:14

Gai Absalom ma denga daane alodahi o Israel ne hai ange, “Muna bale a Hushai, taane Erek, e danuaa ange i muna bale a Ahithophel.” Go hiidinga Tagi Maolunga gu hai gi dee ssula muna bale a Ahithohphel, gai ia ga hagahai ngadaa ai Absalom.

2 Samuel 17:23

De masavaa huu a Ahithophel ne gidee ai bolo dangada tee daudali i ana muna, gai ia ga gage i honga dana donkey ga hano ai gi dono hale i dono aduhale. Gai ia ga hagadabena mee alodahi i dono hale, gai ia ne hano ga gabaea. Deelaa ai, ia ne magau ga danu i lo te daanunga a dono huaabodu.

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

Esther 7:10

Gai gilaadeu ga daudau Haman i honga de laagau aana ne hagaduu laa e daudau ai Mordecai, gai de hodooligi gu ahe dono lili.

Psalm 10:15

Haadia de lima o tangada baubau e haia laa de baubau; gai suuia ange ana hegau baubau ga dae ai gi de odi ange.

Psalm 107:11

go hiidinga gilaadeu ne hai baasi ange gi muna a de Maadua, ma de hagangadi mee agoago a de Ia Maolunga Mmao laa.

Psalm 17:13

Tagi Maolunga, hidi age, hagadee kii ina gilaadeu! Gai hagaola ina mai au i de gau baubau i dau gadilaasa.

Psalm 31:18

Hagapunidia ngudu o de gau hadu muna, go de gau hagamaolunga ma de lodo maolunga e pasa hagamaolunga laa i gilaadeu e heohi.

Psalm 35:26

Hagadookaa ina ma de hai gi ssenga ange gilaadeu alodahi e malangilangi i dogu hai ngadaa! Haia gi dookaa ma de ssenga ange gilaadeu e hagamaolunga i de au!

Psalm 55:15

Mee naa gi moolau delaadeu maakau; gai gi mouli ga hulo ai gi de mommee o de gau maakau; de baubau e dagodo i olaadeu mommee nnoho ma olaadeu lodo!

Psalm 66:7

e dagina ga hano ai i dono sauaa, gai ia e daumada denga huaahenua. De gau hagamaolunga gi dee hai baasi ange gi de ia. Selah

Psalm 71:13

Haia gi dookaa ma de llilo gilaadeu e hai baasi mai gi de au; haia gi hagangadi mee ina ma teai selaadeu hagadubu.

Psalm 79:12

Suuia ange hegau a dangada e paa mai gi gimaadeu gi hidu hanonga; de Ia Aamua, ma de sui ange de hakadanga i de goe.

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 1:20

aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.

Isaiah 63:10

Aagai gilaadeu ne hagamaanege, ma de hagadaemaha dono Hagasaalunga Dabu. Gai ia gu sui ga se hagadaumee niiolaadeu, gai ia ga hebagi ange gi gilaadeu.

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

Daniel 9:5

Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Daniel 9:9

De Ia Aamua demaadeu Maadua e abodonu ma de degi mai gi omaadeu haisala, e dee galemu donu gimaadeu ne hai baasi adu gi de ia;

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

1 Corinthians 3:19

Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.”

Deuteronomy 2:30

Gai Sihon, e hodooligi i Heshbon, tee lodo e dugu mai gidaadeu gi seesee laa honga dono henua, go hiidinga Tagi Maolunga doodou Maadua gu hagamakaga ono lodo, gai ia ga dugu adu ai goodou gi daia ia, bei doodou hai gu gidee ai naa anailaa nei.

1 Samuel 25:29

Gai noo dahi dangada e doolohi goe e daa gi magau, gai Tagi Maolunga doo Maadua gi buibui ina de mouli o dogu dangada aamua, bei de mee hagamogomogo e saabini laa. Aagai mouli o oo hagadaumee e maga naa gi daha, bei de hadu i lo te buada.

1 Samuel 25:39

De masavaa a David ne langona ai bolo Nabal gu magau, gai ia ga hagadaba, “Au e tuhi Tagi Maolunga, ia gu sui ange de hagangadi mee a Nabal au. Ia ne daohi hogi au, dono dangada hai hegau, gi dee haia de baubau, gai ne sui ange hegau baubau a Nabal ne hai.” Gai David ne aalu ga hagababa ange gi Abigail.