Psalm 48:2 - De Beebaa Dabu

² e mahamaha gai e maolunga, go de mommee e malangilangi ai henua i lalo alodahi, go de mounga go Zion, e duu laa i baasi ngaiho, go de aduhale o de Hodooligi maolunga.

Psalm 48:2 Iomraidhean Croise

Psalm 135:21

Goodou hagadegi ina Tagi Maolunga i Zion, de ia e noho laa i Jerusalem. Duuhia Tagi Maolunga!

Psalm 50:2

De maalama o de Maadua e hagaago mai i Zion, go de aduhale e honu abodonu dono mahamaha.

Psalm 76:2

Dono hale gaainga e duu i Salem, gai dono mommee noho i Zion.

Psalm 87:3

De aduhale o de Maadua, gu lagolago mee gu tala hagadanuaa ai oo dagodo! Selah

Psalm 99:9

Hagaamua ina Tagi Maolunga taadeu Maadua, gai daumaha ange i dono mounga dabu; go hiidinga Iahweh taadeu Maadua e dabu.

Isaiah 14:13

Koe ne hagadaba i oo lodo, ‘Au e hanage naa gi dae gi de langi; au e hai naa dogu nohoanga hodooligi gi maolunga ange i denga heduu a de Maadua; au e noho i honga de mounga e hagabuni ai laa go de mommee maolunga hugadoo o de mounga dabu.

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 66:10

Malangilangi madali Jerusalem, ma de lodo danuaa i ono hiidinga, goodou alodahi e aaloha i de aduhale laa; goodou gi malangilangi mmao madali Jerusalem, goodou alodahi e hinangalosaa i ono hiidinga.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Lamentations 2:15

Dangada alodahi e seesee laa oo gaogao e baabaa naa olaadeu lima i de goe; gilaadeu e hagavogivogi ma de geugeu olaadeu biho i hiidinga o tamaa hine o Jerusalem, ga ssili: “Deenei de aduhale e hagaingoo ange laa bolo e mahamaha mmao, gai henua i lalo alodahi e malangilangi ai?”

Ezekiel 20:6

De laangi laa gai au ne hagatoo donu ange gi gilaadeu bolo au e hagassao mai naa gilaadeu i de henua go Egypt, ga kave gilaadeu gi dahi henua aagu gu hili e gaavange gi gilaadeu, se henua iai vai uu ma hooni lagolago, gai se henua e mahamaha ange i denga henua alodahi.

Daniel 11:16

Aagai de hodooligi o ngaiho e hai naa donu huu ono mee e lodo ai; gai e deai naa donu se dangada e maua i de hai baasi ange gi de ia. Ia e hano naa ga dae gi de henua mahamaha laa, gai ia e maua donu i de oha de henua laa.

Daniel 11:45

Gai ia e hagatuu age naa ono hale malo danuaa i magavaa o tai ma de mounga mahamaha ma de dabu. Aagai ia e magau naa donu, gai e deai donu se dangada e balea ange ia.

Daniel 8:9

Gai dahi hanga damaa mee gu somo mai i dahi hanga laa ga kona de mahi, gai ono mahi ne hano ga dae gi ngaage ma dua aama de henua mahamaha laa.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Malachi 3:12

Gai denga huaahenua alodahi e hagataba naa bolo goodou gu manuuia, i hiidinga doodou henua gu se mommee hagamalangilangi, go Tagi o denga hagabuulinga hebagi e hagadaba.

Matthew 5:35

be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,