Psalm 46:3 - De Beebaa Dabu

³ gai ga hagalongaa naa donu ma de beabeau tai, gai denga mounga e ngalungaalue i de hagahonu age o tai. Selah

Psalm 46:3 Iomraidhean Croise

1 Kings 19:11

Gai ia ne hai ange, “Sao mai hannoo duu i honga de mounga i mada luu mada o Tagi Maolunga. Gai tilo, Tagi Maolunga e humai naa laa oo gaogao.” Gai dahi madangi laumalie ma de mmahi ne dau mai ga oha denga mounga ma de dili iho denga hadu, i mada i mua o Tagi Maolunga, aagai Tagi Maolunga e dee noho i lo te madangi laa. Dua de madangi laa gai de henua gu ngalungalue, aagai Tagi Maolunga e dee noho i de ngalungalue o de henua.

De Beebaa go Job 38:11

gai au ne hagadaba, ‘Koe e dae mai donu huu gi kinei e dee hano gi ui; go kinei o denga beau mmahi e tuu mai ai’?

Psalm 18:4

Denga daula o de magau gu vini au; de mee mmilo e oohaa laa mee gu haoli au.

Isaiah 5:3

Goodou e nnoho laa i Jerusalem ma dangada o Judah, goodou hagamodu ina omaau muna ma dagu veelengaa grape.

Isaiah 54:10

Gai ga aau naa donu ga deai mounga, gai denga duuduu gu hagangalue gee, aagai dogu abodonu adu gi goodou e dee ngalungalue donu, dagu hagatoo donu hagaheloongoi i de nnoho baba e dee tuu naa donu, go Tagi Maolunga e hagadaba, go de ia e lodo aloha adu gi de goe.

Jeremiah 4:24

Au ne galo age gi denga mounga, gai tilo, gilaadeu e ngalungaalue; gai duuduu alodahi e ngalungaalue hogi.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Micah 1:4

Denga mounga gu vaivai i lalo luoono vae, gai denga geelonga gu mahangahanga, bei denga wax e vaivai laa i de ahi, ma denga vai e ssali iho laa i de madadaagodo.

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.

Matthew 7:25

Gai ga pala iho huu de langi, ga hagahonu age de vai, ma de ssau de madangi ga usu de hale laa, gai tee maua gi baguu, go hiidinga ne hagaduu i honga de baba.

Revelation 16:20

Gai denga modu alodahi gu llilo, denga mounga alodahi gu dee gidee,

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.