Psalm 46:2 - De Beebaa Dabu

² Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,

Psalm 46:2 Iomraidhean Croise

2 Samuel 22:3

dogu Maadua go dogu baba makaga, go ono daha oogu e mmuni ai, go ia dagu mee hungihungi ma de hanga manu e hagaola ina mai au. Go ia dogu mommee buibui makaga ma dogu mommee mmuni, aama dogu Ia Hagaola, e hagaola ina mai au i de gau alasala.

Psalm 142:6

Hagalaangona dagu dangidangi, go hiidinga au gu duasala mmao. Hagaola ina mai au i gilaadeu e dolohia mai au, go hiidinga gilaadeu e mmahi ange i de au.

Psalm 18:7

Henua i lalo gu ngalungalue ma de bolebole; dagelo o denga mounga gu ngalungaalue, ma de bolebole i hiidinga ia gu lili.

Psalm 23:4

Gai ga seesee naa donu au i lo te geelonga gohu boo dangodango, gai au e dee madagu donu i dahi mee baubau daudahi, i hiidinga koe e noho madali au; dau laagau ma doo dogo e hagaaneane ogu lodo.

Psalm 27:3

Gai ga duuli ina naa donu e dahi hagabuulinga hebagi luoogu baasi, gai au e dee madagu donu, gai ga hebagi mai naa donu gilaadeu gi de au, gai e dahi donu agu tali.

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Psalm 37:39

De hagaola o de gau heohi e humai i daho Tagi Maolunga; gai go ia delaadeu mommee buibui makaga i de masavaa hai ngadaa.

Psalm 59:17

De Maadua, ogu mahi, au e daahili e tuhi ai goe, go hiidinga go koe dogu mommee buibui makaga, gai go de Maadua e abodonu mai laa gi de au.

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.

Psalm 82:5

Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu.

Psalm 91:2

e maua i de hai ange gi Tagi Maolunga, “Go koe dogu buibui ma dogu hale hagaloosi makaga, ma dogu Maadua, au e hagadonusia goe.”

Jeremiah 14:8

Go koe de tali hagalodolodo a Israel, gai go dono Ia Hagaola i de masavaa hai ngadaa. Gai gu aha goe gu bei ai naa dagodo o dahi dangada henua gee i honga de henua, ma tangada e humai laa donu huu e noho i dahi boo?

Nahum 1:7

Tagi Maolunga e danuaa, gai e bei de buibui i de masavaa hai ngadaa. Ia e iloo gilaadeu e hagadonusia ia,

Matthew 21:21

Iesu ne hai ange gi gilaadeu, “Ni muna abodonu aagu e hai adu nei gi goodou, noo goodou e hagadonusia, e dee llodo lagolago, gai goodou e maua donu i de hai hegau ne hai ange nei gi de fig, aagai noo goodou e hai ange hogi gi de mounga nei, ‘Malanga age dilia ange goe gi lo te moana,’ gai e hai naa donu ga bei oodou muna.

Luke 21:33

De langi ma henua i lalo e llilo naa donu, gai agu muna e dee llilo donu.

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”