Psalm 45:12 - De Beebaa Dabu

¹² Dangada o Tyre e gaamai naa gi de goe denga mee ngadi gaavange; de gau lava e hagatale naa de hai goe gi malangilangi i gilaadeu.

Psalm 45:12 Iomraidhean Croise

Psalm 22:29

De gau lava alodahi o henua i lalo e daonga naa ma de daumaha; gilaadeu alodahi e maakau laa e ino naa i ono mada i mua — aama tangada e dee maua laa i de hagaola dono mouli.

Psalm 68:29

I hiidinga doo temple i Jerusalem, denga hodooligi e gaamai naa gi de goe mee ngadi gaavange.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

Song of Songs 2:14

Dagu manu kono e noho laa i lo te baba, ma de mmuni i magavaa hadu i gaogao de mounga, hagasula mai gi gidee e au luoo mada, haia gi langona e au doo leo, go hiidinga doo leo e maamaane, gai luoo mada e mahamaha.

Song of Songs 7:11

Dogu dau soa, humai, gidaau ga hulo gi de mommee iai veelenga, gai gidaau ga sseni ai i lodo aduhale vaaligiligi.

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Matthew 2:11

Gai de masavaa olaadeu ne ulu i de hale laa, gai gilaadeu gu gidee de gaagaa ma dono dinana go Mary. Gai gilaadeu ga duuduli ga daumaha ange gi de ia. Gai gilaadeu ga hhuge alaadeu mee hagamogomogo ga gaavange gi de ia mee ngadi gaavange: go goolo, ma frankincense, aama myrrh.