Psalm 44:3 - De Beebaa Dabu

³ Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Psalm 44:3 Iomraidhean Croise

2 Samuel 7:23

Gai goai e bei dagodo o oo dangada go de gau Israel — go de huaahenua i henua i lalo, a de Maadua ne hagaola laa e hai ai ono dangada, gai koe ga hai ai gi maolunga doo ingoo, ma de hai hegau hagalele mouli ma de hagamaatagu, i dau hai gi hulo gee denga huaahenua ange laa ma olaadeu diinonga, mai i daho oo dangada, go dangada aau ne hagaola mai i Egypt?

2 Chronicles 20:7

Demaadeu Maadua, e aha, e dee go koe ne aaua gee dangada nogo nnoho i de henua nei i mada i mua o oo dangada, go de gau Israel, gai ga gaavange de henua gi hagadiilinga o doo soa go Abraham gi henua ai ga hano ai?

Psalm 111:6

Ia gu hagaago ange gi ono dangada ana hegau sauaa, i dana gaavange gi gilaadeu henua o denga huaahenua.

Psalm 17:7

Hagaagona mai gi de au doo aloha hagalele mouli; koe e hagaola i doo lima madau gilaadeu e loomai e buibui i oo daha, i hiidinga o olaadeu hagadaumee.

Psalm 20:6

Au gu donu iho bolo Tagi Maolunga e hagaola de ia aana gu hagadabu i de lolo; ia e basa ange gi de ia mai i dono mommee dabu i de langi ma de hagaola ia i dono lima madau mmahi.

Psalm 4:6

E soa dangada e hagataba, “Goai e haia mai tanuaa gi gimaadeu? Tagi Maolunga, haia de maalama o luoo mada gi hagamaalama ina gimaadeu!”

Psalm 42:11

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.

Psalm 42:5

Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola

Psalm 74:11

Gu aha gu dee hagaabo ai naa doo lima, doo lima madau? Gai gu aha gu dee aau mai ai naa doo lima i oo hadahada e daa ai gilaadeu?

Psalm 77:15

Koe ne hagaola oo dangada i doo lima sauaa, go de aamuli o Jacob ma Joseph. Selah

Psalm 78:55

Ia ne hai gi hulo gee denga huaahenua i olaadeu daha; ia ne vaevae ange delaadeu henua gi ono dangada gai ga hagannoho denga aamuli o Israel i lodo olaadeu hale malo.

Psalm 80:16

Dangada gu sele iho dau grapevine ma gu dudu i de ahi; gai koe gi huli ange daia gilaadeu gi maakau i doo lili.

Psalm 80:9

Koe ne hagamalaelae de gelegele ga doo ai, gai gu ssomo ono aga, gai de manu laa gu somo ga haoli honga de henua.

Exodus 15:16

gilaadeu e maatagu naa ma de manavasaa mmao. Tagi Maolunga, doo sauaa mmahi gu hai gilaadeu ma gu dee vaa ngaalue bei dagodo o de hadu, ga dae ai gi de odi doo huaadangada i de hulo ga ui, ga dae ai gi de ui dangada aau ne hagaola.

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Numbers 14:8

Noo Tagi Maolunga e malangilangi i gidaadeu, gai ia e kave naa donu gidaadeu gi tae gi de henua laa ma de gaamai gi gidaadeu, de henua iai laa vai uu ma hooni lagolago.

2 Corinthians 4:7

Aagai de mee hagamogomogo nei e hhao i lodo ssaa e hai i bela pigi, e hagaago mai ai bolo ssauaa e dubu ange laa i mee alodahi se mee mai i daho de Maadua, e dee se mee mai i odaadeu.

Deuteronomy 10:15

Aagai Tagi Maolunga ne aloha i oodou dubuna madagidagi, ga hili goodou, olaadeu hagadiilinga, i magavaa o denga huaahenua alodahi, bei doodou hai gu gidee ai naa anailaa nei.

Joshua 24:12

Au ne hai gi hano de wasp i oodou mada i mua, gi haia gilaadeu gi saavini gi hulo gee i oodou mada i mua — ma luu hodooligi hogi o de gau Amor. Gai e dee go oodou gadilaasa aabe go oodou mee hholu ne haia ga ssula mee nei.

Joshua 3:10

Gai Joshua ga hai ange, “Deenei doodou hai e iloo ai bolo de Maadua e mouli laa e noho donu i oodou daha, gai ia e hai naa donu gi hulo gee de gau Canaan, mai i oodou mada i mua, ma de gau Heth, ma de gau Hiv, ma de gau Perez, ma de gau Girgash, ma de gau Amor, aama de gau Jebus.

1 Samuel 12:22

Gai Tagi Maolunga e dee tili naa donu ono dangada, i hiidinga o dono ingoo maolunga, gai go hiidinga Tagi Maolunga e malangilangi i de hai goodou go ono dangada.