Psalm 44:22 - De Beebaa Dabu

²² Gimaadeu e daia ga maakau i laangi alodahi i oo hiidinga, gimaadeu e bei dagodo o denga ssiibi gu paba ange laa e daa gi maakau.

Psalm 44:22 Iomraidhean Croise

Genesis 18:15

Gai Sarah ga hagassee ga hai ange, “E deai, au tee gadagada donu,” go hiidinga ia gu madagu. Aagai ia ga hai ange, “E deai, koe gu gadagada donu.”

1 Kings 19:10

Gai ia ga hai ange, “Au ne hagaduu ngae ga hai hegau a Tagi Maolunga, de Maadua o denga hagabuulinga hebagi. Aagai de gau Israel gu tili dau hagatoo donu hagaheloongoi, ma de oha oo mommee o ssigidaumaha, ma de daa ga maakau oo pelaabisi i de gadilaasa. Go au donu huu e doe, gai gilaadeu e ssala hogi au e daa gi magau.”

Psalm 139:2

Koe e iloo dogu noho gi lalo ma dogu hidi age; koe e donu ange gi agu maanadu e dee galemu dogu mmao gee.

Psalm 44:11

Koe ne hai gimaadeu bei denga ssiibi gu hagadabena e daa gi maakau, ma de hai gimaadeu gi mavaevae saele i denga henua gee.

Psalm 94:11

Tagi Maolunga e iloo maanadu a tangada; ia e iloo bolo gilaadeu e bei dagodo o de madangi o de manava.

Isaiah 53:7

Ia ne vaivai haia ma de hagaduasala, aagai ia tee hhanga donu dono ngudu; ia ne dagina bei dahi ssiibi gauligi e kave laa gi de mommee e daa ai denga manu, ia e bei ssiibi e dee muu laa i mada i mua, o dangada e duuduudia ono huluhulu, gai ia tee hhanga donu dono ngudu.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

John 15:21

Aagai gilaadeu e hai adu naa mee nei alodahi gi goodou i hiidinga o dogu ingoo, go hiidinga gilaadeu e dee iloo de ia ne haia nei au gi humai.

Romans 8:36

Gai gu sisi e hai ange, “Gimaadeu e daia ga maakau i laangi alodahi i oo hiidinga; gimaadeu e bei dagodo o denga ssiibi gu paba ange laa e daa gi maakau.”

1 Corinthians 4:9

Gai e dagodo be de Maadua gu dugu gimaadeu, de gau tala, gi de hagaodi hugadoo, bei dagodo o dangada gu hagamodu e daa gi maakau i madamada o dangada alodahi; de gau henua i lalo ma de gau de langi aama dangada alodahi.

Joshua 22:22

“De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.