Psalm 44:14 - De Beebaa Dabu

¹⁴ Koe gu hai gimaadeu gi se mee hakadanga i magavaa o denga huaahenua, gai dangada e geugeu olaadeu biho i gimaadeu.

Psalm 44:14 Iomraidhean Croise

1 Kings 9:7

gai au e aau gee naa Israel mai i de henua aagu gu gaavange gi gilaadeu, ma de tili de hale aagu gu hagadabu ange gi dogu ingoo. Gai Israel e hai naa ga se muna e hakadanga ai dangada alodahi.

2 Kings 19:21

Aanei muna a Tagi Maolunga gu tala e hai baasi ange ai gi de ia: ‘De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

2 Chronicles 7:20

gai au e kave gee naa goodou mai i de henua aagu gu gaavadu gi goodou, ma de tili de hale aagu gu hagadabu ange gi dogu ingoo, ma de hai gi se mommee e hakadanga ai dangada alodahi.

Nehemiah 2:17

Gai au ga hai ange gi gilaadeu, “Goodou gu gidee de hai ngadaa odaadeu gu tuu ange aagena, i hiidinga Jerusalem gu maoha ma e ngadi dagodo, gai ono haitoga gu lava i de dudu. Loomai, gidaadeu ga hagaduu age de buibui o Jerusalem, gi dee hagangadi mee ina ai gidaadeu.”

De Beebaa go Job 16:4

Au e maua hogi i de basa bei goodou, noo goodou e bei ogu dagodo; gai au e maua hogi i de basa ga hai baasi adu gi goodou, ma de geugeu adu dogu biho gi goodou.

De Beebaa go Job 17:6

De Maadua gu hai au gi se mee e hakadanga ai dangada, gai dangada e savasavale mai gi luoogu mada.

Psalm 109:25

Au gu se mee e kada ai dangada; gilaadeu e geugeu olaadeu biho i delaadeu gide au.

Psalm 123:3

Tagi Maolunga, degi mai gi gimaadeu, degi mai gi gimaadeu; go hiidinga gu kona mmao demaadeu hagangadi mee ina.

Psalm 22:7

Gilaadeu alodahi e gidee au e doo mee i de au; gilaadeu e hagasomosomo mai olaadeu alelo gi de au, ma de geugeu olaadeu biho:

Psalm 79:4

Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Jeremiah 24:9

Au e hai naa gilaadeu gi se mee hagamaatagu, ma de kino ai dangada, i denga nohoanga hodooligi alodahi o henua i lalo, gai gi se mee e hakadanga ai ma de pasa ai o dangada, gai gi se muna hagamalaia i henua alodahi, aagu e hai gilaadeu gi hulo aagena.

Micah 6:16

Koe ne kana ange ga daohi hainga a Omri, ma hegau alodahi a de huaabodu o Ahab; goodou e daudali i alaadeu hagasaele. Deelaa ai, au e hai naa goe gi ngadi dagodo, gai oo dangada e hai naa ga llele mouli o dangada, ma de hagangadi mee ina daho dangada.”

Deuteronomy 28:37

Gai koe e hai naa ga se mee e maatagu ai dangada, ma de pasa hagasengasenga ai ma de hakadanga ai dangada o denga huaahenua a Tagi Maolunga e hai goe gi hano aagena.