Psalm 43:1 - De Beebaa Dabu

¹ De Maadua, hagamodu ina bolo au e heohi, ma de tala hagadonu ogu dagodo e hai baasi ange ai gi de huaahenua baubau; hagaola ina mai au i gilaadeu e daahangadia dangada ma de baubau!

Psalm 43:1 Iomraidhean Croise

2 Samuel 15:31

Gai hanu ne tala ange gi David, ga hai ange, “Ahithophel go dahi dangada e balea ange Absalom.” Gai David ne dalodalo ga hai ange, “Tagi Maolunga, au e dangidangi adu koe gi haia gi dee ssula muna bale a Ahithophel.”

2 Samuel 16:20

Gai Absalom ga ssili ange gi Ahithophel, “Dee hee dau hagasaele; ni aha adaadeu ga hai?”

2 Samuel 18:8

Gai de hebagi ne hai i de henua laa alodahi; gai dangada ne maakau i lodo henua e soa ange i dangada ne daia ga maakau i de gadilaasa.

Psalm 140:5

De gau hagamaolunga gu dugu dahi sele e dada ai au; gilaadeu gu hhola delaadeu galauna i gaogao de haiava e dada ai au. Selah

Psalm 26:1

Tagi Maolunga, koe gi daalaa bolo au e heohi, go hiidinga au e seesee i de heohi; au e hagadonu Tagi Maolunga, au e dee lua lodo donu.

Psalm 35:1

Tagi Maolunga, hai baasi ange gi gilaadeu e hai baasi mai gi de au; ma de hebagi ange gi gilaadeu e hebagi mai gi de au.

Psalm 35:24

Tagi Maolunga dogu Maadua, hagamodu ina bolo au e dee haisala i doo heohi; koe gi dee dugua ange gilaadeu gi malangilangi i ogu dagodo.

Psalm 5:6

Koe e daa naa ga maakau gilaadeu e hadu muna; Tagi Maolunga e kino i gilaadeu e daia dangada ga maakau, aama gilaadeu e daahangadia dangada.

Psalm 54:3

De gau henua gee gu hebagi mai gi de au, de gau alasala gu ssala de hai e daa ai au gi magau; gilaadeu e dee hagadubu de Maadua. Selah

Psalm 7:7

Denga hagabuulingaa dangada gi hagabuni mai gi oo daha; go koe dagina gilaadeu mai i de mommee maolunga.

Psalm 7:8

Tagi Maolunga, hagamodu ina muna o denga huaadangada. Tagi Maolunga, hagamodu ina ogu muna gi bei dagodo o dogu heohi, ma teai ogu haisala.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

Psalm 71:4

Dogu Maadua, hagaola ina mai au i tangada alasala, ma mai i lodo lima o de gau baubau ma de alasala.

Psalm 75:7

aagai go de Maadua de ia hagamodu muna, go ia e hagamaolalo ina dahi dangada gai ga hai gi maolunga dahi.

Proverbs 22:23

i hiidinga Tagi Maolunga e bale ange naa donu gilaadeu, ma de hai gi hai ngadaa mouli o dangada e gaiaadia alaadeu mee.

Proverbs 23:11

go hiidinga delaadeu Ia Hagaola e mmahi, ia e bale ange naa donu gilaadeu e hai baasi adu ai gi de goe.

Micah 7:9

Au e hagauda naa de bole o Tagi Maolunga, go hiidinga au gu haisala ange gi de ia, ga dae ai gi dana hagamodu ogu dagodo ma dana hagadaba bolo au gu heohi. Ia e hagasao mai naa au gi de mommee maalama; au e gidee naa dono hai hegau i de heohi.

1 Corinthians 4:4

Tagi i ogu lodo e dee hagabaubau au, aagai au e dee hagadaba bolo au e dee haisala. Gai go Tagi Maolunga e hagamodu ina ogu dagodo.

1 Peter 2:23

Gai de masavaa a dangada ne pasa baubau ai i de ia, aagai ia tee sui ange donu alaadeu muna; dono masavaa ne hagaduasala ai, aagai ia tee hagadaba bolo ia e sui ange alaadeu hegau. Aagai ia ne dugu ange mee alodahi gi de ia e hagamodu ina dagodo o mee alodahi i de heohi.

1 Samuel 24:15

Deenei ai, Tagi Maolunga gi hagamodu ina mee i odaau magavaa. Gai ia gi diiloo dagodo o mee nei ma de abodonu mai gi de au, ga hagaola mai au i de goe.”