Psalm 42:9 - De Beebaa Dabu

⁹ Au e hai ange gi de Maadua dogu baba makaga, “Gu aha gu ngalo ai naa goe au? Ni haigamaiana aha dogu hano saele ma de daemaha ogu lodo, i de hagaduasala a ogu hagadaumee au?”

Psalm 42:9 Iomraidhean Croise

Psalm 13:1

Tagi Maolunga, dee hee maa taulooloa dau hagangalo au? Dee hee maa taulooloa dau hagammuni luoo mada i de au?

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Psalm 38:6

Au gu ino luoogu mada gi honga de gelegele; gai au e daemaha mai i taiao ga boo ai.

Psalm 43:2

Go koe de Maadua, gai go koe dogu mommee buibui makaga. Gai gu aha gu tili ai naa goe au? Ni haigamaiana aha dogu hano saele ma de daemaha ogu lodo i de hagaduasala a ogu hagadaumee au?

Psalm 55:3

i muna a ogu hagadaumee, ma mee hagadaemaha a de gau baubau. Gilaadeu e hagahai ngadaa dogu mouli, gai e vaivai hai au i delaadeu kino i de au.

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Psalm 77:9

E aha, de Maadua gu ngalo laa dono lodo aloha? Ia gu lili nei ma gu tuu dono lodo aloha?” Selah

Psalm 78:35

Gai gilaadeu gu manadua bolo go de Maadua delaadeu baba makaga, gai de Maadua Maolunga Mmao laa go delaadeu Ia Hagaola.

Psalm 88:9

luoogu mada gu baageaa i dogu duasala. Tagi Maolunga, au e hagahi adu goe i laangi alodahi; au e haalo adu dogu lima gi de goe.

Psalm 92:3

ma de hagadangidangi i de lute ma de harp aama taahili ga hagadangidangi i de lyre.

Ecclesiastes 4:1

Gai au ne ahe ange hogi ga tilo de vaivai haia o dangada i lalo de laa. Au ne gidee loimada o dangada e vaivai haia, gai e deai dangada e hagaaneane ina gilaadeu. Ssauaa gu gaavange gi gilaadeu e vaivai haia dangada; gai e deai donu se dangada e balea ange gilaadeu.

Isaiah 40:27

Jacob, gu aha gu hagadaba ai naa goe, Israel, gu aha gu nanu ai naa goe ma e hagadaba, “Tagi Maolunga e dee gidee donu ogu dagodo; gai dogu Maadua e dee anga ange mai donu gi dogu heohi”?

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!