Psalm 41:2 - De Beebaa Dabu

² Tagi Maolunga e buibui naa ia ma de daohi dono mouli; ia e hagamanuuia naa ia i honga de henua, gai e dee dugu ange ono hagadaumee gi haia ange gi de ia olaadeu mee e llodo ai.

Psalm 41:2 Iomraidhean Croise

Psalm 27:12

Koe gi dee dugua ange ogu hagadaumee gi haia mai gi de au olaadeu mee e llodo ai; go hiidinga de gau hadu muna gu hai baasi mai gi de au, gilaadeu gu nnoho e vaivai hai au.

Psalm 33:19

gai ia e hagaola gilaadeu mai i de magau, ma de tilo gi mouli gilaadeu i de masavaa o de onge.

Psalm 37:22

Gilaadeu a Tagi Maolunga e hagamanuuia e henua naa i de henua, aagai gilaadeu aana e hagamalaia e gaavee gee naa donu.

Proverbs 11:17

Hegau a tangada abodonu e hai donu ga danuaa ange gi de ia, aagai tangada alasala e hagabaubau donu huu ia.

Proverbs 14:21

Tangada e hagangadi mee ina tangada e baa ange gi de ia e haisala donu, aagai e manuuia tangada e abodonu ange gi gilaadeu e duasala.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Proverbs 31:20

Ia e abodonu ange gi de gau hagaau aloha, ma de ngadi gaavange mee gi gilaadeu e duasala.

Jeremiah 39:17

Aagai au e hagaola naa goe i de laangi laa, go Tagi Maolunga e hagadaba; gai koe e dee dugu ange naa donu gi denga daane oou e madagu ai naa.

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

Ruth 2:19

Gai dono saulaba ne ssili ange gi de ia, “Go hee oou ne ogo huamanu ai anailaa nei? Gai go daho ai oou ne hai hegau ai? Tagi Maolunga gi hagamanuuia ina tangada ne abodonu adu naa gi de goe.” Gai a Ruth ne tala ange gi dono saulaba be go daho ai oona ne hai hegau ai, ga hai ange, “De ingoo o taane oogu ne hai hegau i ono daha anailaa nei go Boaz.”