Psalm 41:13 - De Beebaa Dabu

¹³ Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai! Amen gai Amen.

Psalm 41:13 Iomraidhean Croise

1 Kings 1:36

Gai Benaiah, tama daane a Jehoiada ga hai ange gi de hodooligi, “Uaa! Tagi Maolunga, de Maadua o dogu dangada aamua go de hodooligi, gu tala hagadonu donu de mee nei.

1 Chronicles 16:36

Duuhia Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai.” Gai dangada alodahi ne hagataba, “Amen!” aama de tuhi Tagi Maolunga.

1 Chronicles 29:10

Gai David ga tuhi Tagi Maolunga i madamada o dangada alodahi, ga hagadaba, “Duuhia goe, Tagi Maolunga, de Maadua o demaadeu dubuna madagidagi go Israel, mai i de masavaa e dee ngado mai ga dae ai gi de masavaa e dee ngado mai.

Psalm 106:48

Hagadegi ina Tagi Maolunga, de Maadua o Israel, mai i de masavaa e dee ngado mai ga dae ai gi de masavaa e dee ngado mai. Gai dangada alodahi gi hai ange, “Amen!” Duuhia Tagi Maolunga!

Psalm 147:6

Tagi Maolunga e hagammahi gilaadeu e vaivai haia, aagai e hagamaolalo de gau baubau.

Psalm 150:6

Mee alodahi e mouli gi duuhia Tagi Maolunga. Duuhia Tagi Maolunga!

Psalm 89:52

Duuhia Tagi Maolunga ga hano ai! Amen gai Amen.

Jeremiah 28:6

Ia ne hai ange, “Amen! Tagi Maolunga gi haia gi bei mee nei! Gai Tagi Maolunga gi hagassula ina au muna gu tala pelaabisi, i dana hagaahe mai goloa o de hale o Tagi Maolunga ma dangada alodahi gi de henua mai i Babylon.

Numbers 5:22

Gai denga vai aau ga unu nei gi haia de mee hagamalaia nei gi hano gi oo lodo, gi hua ai doo dinae gai mee i magavaa luoo vae gi iai de magi e dee maua laa gi ieiangi.” Gai de hine laa gi hai ange, “Amen, Amen.”

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

1 Corinthians 14:16

Gai noo koe e hagaahe ange de abodonu gi de Maadua i doo hagasaalunga, gai dee hee naa de hai o dahi dangada gee hagadaba ai, “Amen,” gai ia e dee donu adu gi au muna?

Ephesians 1:3

Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.

Revelation 11:17

ga hagataba, “Gimaadeu e hagaahe adu de abodonu gi de goe, Tagi Maolunga de Maadua Mmahi Mmao, go de ia e mouli iainei gai gu mouli mai donu madagidagi, go hiidinga koe gu hagahai hegau oo mmahi ma gu daamada ai de dagi.

Revelation 22:20

Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Revelation 7:12

ga hagataba, “Amen! De manuuia, ma de mahamaha, ma de heiangi, ma de hagaahe ange de abodonu, ma de hagadubu, ma ssauaa aama de mmahi ni mee nii taadeu Maadua ga hano ai e dee ngado mai! Amen.”