Psalm 40:16 - De Beebaa Dabu

¹⁶ Aagai haia dangada alodahi e saalaa goe gi malangilangi ma de llodo danuaa i de goe; gai dangada e llodo i dau hagaola gi hagataba i masavaa alodahi, “Hagaamua ina Tagi Maolunga!”

Psalm 40:16 Iomraidhean Croise

Psalm 105:3

Hagamahamaha ina dono ingoo dabu; alodahi e saalaa Tagi Maolunga gi malangilangi!

Psalm 119:111

Au muna go dogu boolonga donu ga hano ai, gai e hagamalangilangi ai ogu lodo.

Psalm 119:123

Luoogu mada gu dalea mmao i de dagitilo de masavaa aau e hagaola ai, ma de hai gi bei dau hagatoo donu heohi.

Psalm 119:81

Au e lodo mmao i dau hagaola, aagai dagu tali hagalodolodo go au muna.

Psalm 22:26

De gau hagaau aloha e gaimee naa ga boobosu; gilaadeu e saalaa Tagi Maolunga e tuhi naa ia, gai oodou lodo gi mouli ga hano ai!

Psalm 35:21

Gilaadeu e hhanga mai olaadeu ngudu ma e hai mai, “Gu vakaa loo! Gu vakaa loo! Gimaadeu gu gidee donu au mee ne hai!”

Psalm 35:27

Haia gi hevaalogi i de malangilangi ma de llodo danuaa, gilaadeu e llodo danuaa i dogu hagaheohi; gai gilaadeu gi hagataba i masavaa alodahi, “Hagaamua ina Tagi Maolunga, go de ia e malangilangi i de duadonu o dono dangada hai hegau.”

Psalm 68:3

Aagai gilaadeu e heohi e llodo danuaa naa, ma de malangilangi i mada luu mada o de Maadua; gilaadeu gi malangilangi mmao ma de lodo danuaa.

Ezekiel 26:2

“Tama a tangada, go hiidinga Tyre gu hakadanga i Jerusalem ma de hagadaba, ‘De haitoga o denga huaahenua gu maoha, gai ono abaaba gu maahuge mai gi de au; iainei gai gu maoha ma gu ngadi dagodo, gai au e hagadagadaga age naa,’

Acts 19:17

Gai longo o mee laa gu dele i magavaa o de gau Ssuu ma de gau Greek alodahi e nnoho laa i Ephesus. Gai gilaadeu alodahi gu maatagu mmao, gai dangada gu hagadubu de ingoo o Tagi Maolunga go Iesu.