Psalm 4:4 - De Beebaa Dabu

⁴ Goodou llili, aagai goodou gi dee haisala; goodou hagasaelea mee nei i honga oodou moenga; goodou gi iloo dagodo o oodou lodo gai goodou ga dee muu. Selah

Psalm 4:4 Iomraidhean Croise

De Beebaa go Job 28:28

Gai ia ne hai ange gi tangada, ‘Tilo, de madagu i de Ia Aamua go de heiangi abodonu, gai de kino i de baubau go de donu ange abodonu.’ ”

Psalm 119:161

Denga dagi e hagaduasala ngau gai e deai donu hiidinga, aagai au muna ni mee hagamaatagu mai gi de au.

Psalm 17:6

Dogu Maadua, au e hagahi adu goe, go hiidinga koe e basa mai gi de au; huli mai doo dalinga hagalaangona ai dagu dalodalo.

Psalm 2:11

Daumaha ange gi Tagi Maolunga i de maatagu, gai gi malangilangi ma de bolebole.

Psalm 3:2

E soa e hagataba i ogu dagodo, “De Maadua e dee hagaola naa donu ia.” Selah

Psalm 3:4

Au e hagahi Tagi Maolunga i de leo laumalie, gai ia ne basa mai gi de au i dono mounga dabu. Selah

Psalm 33:8

Henua i lalo alodahi gi maatagu i Tagi Maolunga, gai dangada alodahi e nnoho ai gi maatagu i de ia!

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 63:6

Au e manadua goe i dogu dagodo i ogu moenga; au e hagamaumau oo dagodo i de masavaa dagitilo i denga boo.

Psalm 77:6

Au ne manadua agu daahili i de boo; ogu lodo ne hagasaele gai dogu hagasaalunga e ssili:

Proverbs 16:17

De haiava o dangada e haia de mee heohi e hagaui gee i de baubau, gai tangada e dagidiiloo dono haiava e hagaola dono mouli.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Habakkuk 2:20

Aagai Tagi Maolunga e noho i dono temple dabu; henua i lalo alodahi gi dee mmuu i ono mada i mua.”

2 Corinthians 13:5

Goodou dagidiiloo iho gi danuaa oodou lodo, be goodou e daohi naa huu de gai. Hagataalea ange ma gi diiloo oodou dagodo. Goodou tigi tonu ange naa donu bolo Iesu Klisdo e noho i oodou lodo? Noo e deai, aagai goodou tee maua donu i de daohi de gai.

Ephesians 4:26

Goodou llili aagai gi dee haisala; goodou gi dee daohia doodou llili ga danu ai de laa,