Psalm 38:4 - De Beebaa Dabu

⁴ Au gu dee bau ange gi ogu mee gu haisala ai; gai gu bei dagodo o de mee hagauda daemaha.

Psalm 38:4 Iomraidhean Croise

Ezra 9:6

ga dalodalo, ga hai ange: “Dogu Maadua, au gu dogaa mmao i de dangage age luoogu mada e galo age gi de goe, go hiidinga omaadeu haisala gu maolunga ange i omaadeu biho, gai omaadeu sala gu tae age donu gi de langi.

De Beebaa go Job 33:19

Tangada e haelea hogi i dono magi ga dagodo i honga de moenga, gai dono angaanga e sae i masavaa alodahi,

Psalm 107:17

Hanu gilaadeu ne llodo ssenga i hiidinga olaadeu haisala, gai ne hagaduasala i hiidinga olaadeu baubau.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Lamentations 1:14

Ogu haisala gu nnoa ange au gi de laagau hagahai hegau, gai go luoono lima ne hagamakaga ina mee nei; mee nei ne daudau ange gi dogu ua; ia gu hai gi deai ogu mahi. De Ia Aamua gu dugu ange au gi dangada oogu e dee bau ange aagena.

Leviticus 7:18

Noo tangada e gai kano o de manu ne hai ai dana sigidaumaha hagadanuaa magavaa i dua e dolu laangi, gai dana sigidaumaha e dee dau. Gai gu deai haigamaiana ange gi tangada ne haia, gai gu hakino gee; gai tangada ne gaina mee nei e hagaduasala donu i ono baubau.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.